সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজি দেশ কঁপোৱা অভি-নীল হত্যাকাণ্ডৰ দোষীৰ শাস্তি ঘোষণা কৰা হ’ব। নগাঁও সত্ৰ ন্যায়াধীশৰ আদালতে ঘোষণা কৰিব অপৰাধীৰ শাস্তি। সুদীৰ্ঘ ৮ বছৰৰ বিচাৰ প্ৰক্ৰিয়াৰ অন্ত পৰে। ৪৫ অভিযুক্তৰ ২০ গৰাকীক দোষী সাব্যস্ত কৰিছিল আদালতে। আন ২৫ জনক দোষমুক্ত ঘোষণা কৰে আদালতে। এই ভয়ংকৰ হত্যাত নাম সাঙুৰ খাইছিল ৪৮ গৰাকীকৈ লোকৰ। ইয়াৰে তিনিগৰাকী আছিল নাবালক। ২০ এপ্ৰিলত এই গোচৰটোৰ ৰায়দান কৰিছিল আদালতে। অপৰাধীৰ শাস্তি ঘোষণাক লৈ উৎকণ্ঠাৰ সৃষ্টি সৰ্বত্ৰে।
নগাঁৱৰ মৰিকলঙত ভয়ংকৰ ঘটনা। চিকিৎসক ডাঃ ৰঞ্জিত শইকীয়াৰ ঘৰত নিশা ডকাইতিৰ ঘটনা সংঘটিত হয়। ডকাইতে লুটপাত চলোৱাৰ লগতে চিকিৎসক দম্পতীক আক্ৰমণ ডকাইতৰ দলৰ। ডকাইতৰ আক্ৰমণত গুৰুতৰভাৱে আহত দুয়োকে GMCH-লৈ প্ৰেৰণ কৰা হয়। ঘটনাস্থলীত উপস্থিত হয় নগাঁৱৰ জ্যেষ্ঠ আৰক্ষী অধীক্ষকৰ লগতে নগাঁও আৰক্ষী। নিৰ্বাচনৰ সময়তো চিকিৎসকগৰাকীৰ ঘৰৰ পৰা চুৰি হৈছিল প্ৰায় ২৮লাখ টকা। দুই নাবালকে চুৰি কৰিছিল এই বৃহৎ পৰিমাণৰ ধন।পৰৱৰ্তী সময়ত চামগুৰি শালনাত আৰক্ষীয়ে এখন স্কুটীৰ পৰা উদ্ধাৰ কৰিছিল চুৰি হোৱা ধনখিনি।
দেৰগাঁৱত ম’ৰেল পুলিচিঙৰ ভয়ংকৰ ঘটনা। আৰক্ষীৰ বেশত অস্ত্ৰধাৰী দুৰ্বৃত্তই এজন যুৱকক মাৰপিট কৰাৰ অভিযোগ। দেৰগাঁৱৰ ধেমাজি কৈৱৰ্ত গাঁৱত সংঘটিত হৈছে এই ঘটনা। আৰক্ষীৰ পৰিচয় দি এজন লোকক তালিবানী শাস্তি দিয়া হয়। তামোল চুৰিৰ অভিযোগত যুৱকজনক প্ৰহাৰ দলটোৰ।
মধ্যপ্ৰদেশৰ কৃষকসকলৰ বাবে এটা ভাল খবৰ। মুখ্যমন্ত্ৰী মোহন যাদৱৰ অনুৰোধত কেন্দ্ৰীয় চৰকাৰে ৰাজ্যত ঘেঁহু ক্ৰয়ৰ সীমা বৃদ্ধিৰ বাবে অনুমোদন জনাইছে। ৰাজ্যত সমৰ্থন মূল্যত ঘেঁহু ক্ৰয়ৰ লক্ষ্য এতিয়া ৭৮ লাখ মেট্ৰিক টনৰ পৰা ১ কোটি মেট্ৰিক টনলৈ বৃদ্ধি কৰা হৈছে। শেহতীয়াকৈ মুখ্যমন্ত্ৰী মোহন যাদৱে কেন্দ্ৰীয় চৰকাৰক এইবাৰ ঘেঁহুৰ উৎপাদন উন্নত হোৱাৰ বাবে ক্ৰয়ৰ সীমা বৃদ্ধি কৰিবলৈ অনুৰোধ জনাইছিল, যাতে কৃষকসকলে নিজৰ উৎপাদিত সামগ্ৰী বিক্ৰীৰ ক্ষেত্ৰত কোনো ধৰণৰ অসুবিধাৰ সন্মুখীন নহয়। কেন্দ্ৰীয় চৰকাৰে মুখ্যমন্ত্ৰীৰ অনুৰোধত সন্মতি দি নতুন লক্ষ্য নিৰ্ধাৰণ কৰিছে।
মধ্যপ্ৰাচ্যত চলি থকা সংঘাতৰ মাজতে ভাৰত আৰু ৰাছিয়াৰ মাজত হোৱা উল্লেখযোগ্য সামৰিক চুক্তি RELOS সম্পৰ্কে নতুন তথ্য ওলাইছে, যিটো মস্কোৱে ৰাজহুৱা কৰিছে। এই চুক্তিখন যোৱা বছৰ স্বাক্ষৰিত হৈছিল যদিও এতিয়া ইয়াৰ সম্পূৰ্ণ ছবিখন স্পষ্ট হৈ পৰিছে। এই চুক্তিৰ অধীনত ভাৰত আৰু ৰাছিয়াই ইজনে সিজনৰ ভূখণ্ডত নিজৰ সৈন্য, যুদ্ধ জাহাজ, সামৰিক বিমান নিয়োগ কৰিব পাৰে। ইয়াক দুয়োখন দেশৰ প্ৰতিৰক্ষা সম্পৰ্কত এক বৃহৎ পদক্ষেপ বুলি বিবেচিত হৈছে। এই চুক্তিয়ে পাকিস্তানৰ বিৰুদ্ধে ষড়যন্ত্ৰ কৰি অহা পাকিস্তানক উত্তেজনা ল’বলৈ বাধ্য কৰিব।
