গুৱাহাটী মহানগৰীত পৰকীয়া প্ৰেমৰ ভয়ংকৰ পৰিণতি। নিশা হাতীগাঁৱৰ লখিমী নগৰৰ ভাড়াঘৰত উদ্ধাৰ কৰা হয় যুৱতীৰ মৃতদেহ। শ্ৰীকৃষ্ণ পথৰ হাউছ নং ১২ত সংঘটিত হয় এই ঘটনা। প্ৰথমগৰাকী প্ৰেমিকা ঘৰলৈ যোৱাৰ সময়তে ঘটে এই ভয়ংকৰ ঘটনা।
ঘটনাৰ বিৱৰণ অনুসৰি, ডেৰ মাহ পূৰ্বে প্ৰেমিক-প্ৰেমিকাই ভাড়ালৈ লৈছিল লখিমী নগৰৰ এই ঘৰটো। এসপ্তাহ পূৰ্বে প্ৰেয়সী গৈছিল বকোৰ গাঁৱৰ ঘৰলৈ। প্ৰেমিকা নথকা অৱস্থাত ঘৰটোত উদ্ধাৰ হয় আন এগৰাকী যুৱতীৰ মৃতদেহ।
ইয়াৰে সুযোগ লৈ প্ৰেমিক নয়ন দাসে ভাড়াঘৰটো লৈ আনে অন্য এগৰাকী যুৱতীক। ইয়াৰ পিছতে নিশা প্ৰেমিকা গৰাকী ভাড়াঘৰলৈ উভতি আহি অন্য এগৰাকী যুৱতীৰ মৃতদেহ দেখা পায়। এখন বিচনাত কম্বলৰে মেৰিয়াই থোৱা অৱস্থাত উদ্ধাৰ কৰা হয় এই মৃতদেহটো।
এই মৃতদেহটোৰ কাষত উদ্ধাৰ কৰা হয় নগদ ডেৰ লাখ টকাসহ বহু আপত্তিজনক সামগ্ৰী। সম্প্ৰতি পলাতক অৱস্থাত আছে প্ৰেমিক নয়ন দাস ওৰফে ৰোহন কাশ্যপ।
উল্লেখ্য যে, অভিযুক্ত নয়ন দাসৰ পূৰ্বৰে পৰা বিবাহিত বুলি জানিব পৰা গৈছে। লগতে নয়ন দাসৰ আছে এটি কন্যা সন্তানো। ইয়াৰ পিছতো ভাৰাঘৰ লৈ অন্য এগৰাকী যুৱতীৰ সৈতে লিভ-ইনত আছিল নয়নে। ইতিমধ্যে সোধপোচাৰ বাবে আটক কৰা হৈছে প্ৰেমিকাগৰাকীক।
