মহিলা বিশ্বকাপ ২০২৫ৰ নিৰ্ণায়ক পৰ্যায়ত উপনীত হৈছে। আজি মহিলা বিশ্বকাপ ক্ৰিকেটৰ ২য়খন ছেমি ফাইনেল মেচ। এইবাৰ সকলোৰে দৃষ্টি টীম ইণ্ডিয়াৰ অধিনায়ক হৰমনপ্ৰীত কৌৰৰ ওপৰত।
৮ বছৰ পূৰ্বে এই মঞ্চতে অষ্ট্ৰেলিয়াৰ বিৰুদ্ধে বিস্ফোৰক ইনিংছ খেলিছিল, যিটোক বৰ্তমানেও ক্ৰিকেট ইতিহাসৰ “সোণালী অধ্যায়” হিচাপে গণ্য কৰা হয়।
২০১৭ চনত ইংলেণ্ডৰ ডাৰ্বিত অষ্ট্ৰেলিয়াৰ বিৰুদ্ধে মাত্ৰ ১১৫টা বলত ১৭১ ৰান ভাঙি হৰমনপ্ৰীতে ভাৰতক ফাইনেলত স্থান নিশ্চিত কৰিছিল। সেই ইনিংছে মেচখনৰ গতিপথ সলনি কৰাই নহয় মহিলা ক্ৰিকেটৰ জনপ্ৰিয়তাকো নতুন উচ্চতালৈ লৈ যায়। এতিয়া ২০২৫ চনত একে আবেগ আৰু একে বিৰোধিতাৰে হৰমনপ্ৰীত কৌৰে একেধৰণৰ “হৰমন ষ্টৰ্ম” মুকলি কৰি ভাৰতক পুনৰবাৰ ফাইনেলত স্থান নিশ্চিত কৰাত সহায় কৰাৰ সম্ভাৱনা আছে।
হৰমনপ্ৰীতৰ অভিলেখৰ পৰা দেখা যায় যে ডাঙৰ দলৰ বিৰুদ্ধে ডাঙৰ ইনিংছ খেলিব জানে। অষ্ট্ৰেলিয়াৰ বিৰুদ্ধে ২৪খন এদিনীয়া মেচত ৭৪৯ ৰান সংগ্ৰহ কৰাৰ লগতে সৰ্বোত্তম স্ক’ৰ ১৭১ ৰান।৪টা অৰ্ধশতক আৰু এটা শতক অৰ্জন কৰাৰ বিপৰীতে গড় ৩৫.৬৬ ৰান। বিশ্বকাপৰ মেচত ৪৪.৬৫ গড়ে ১০২৭ ৰান সংগ্ৰহ কৰিছে। এই বিভাগত মাত্ৰ ৭টা উইকেট দখল কৰিলেও দলৰ বাবে বলিং অপচন।
ভাৰতীয় মহিলা দলত আছে- শ্বাফলী ভাৰ্মা, স্মৃতি মান্ধানা, হৰলিন দেওল, জেমিমাহ ৰড্ৰিগেছ, হৰমনপ্ৰীত কৌৰ (অধিনায়ক), দীপ্তি শৰ্মা, উমা ছেত্ৰী, অমনজোত কৌৰ, ৰাধা যাদৱ, শ্ৰী চৰাণী, ৰেনুকা সিং ঠাকুৰ, স্নেহ ৰানা, অৰুন্ধতী ৰেড্ডী, ৰিচা ঘোষ, ক্ৰান্তি গৌড়।
