আজি হোবাৰ্টত ভাৰত আৰু অষ্ট্ৰেলিয়াৰ মাজত অনুষ্ঠিত হ’ব তৃতীয়খন টি-২০। শৃংখলাৰ জয়ৰ বাবে প্ৰতিদ্বন্দ্বিতাত থাকিবলৈ ভাৰতীয় দলটোৱে যিকোনো মূল্যতে জয়লাভ কৰিব লাগিব।
মেলবৰ্ণত ৪ উইকেটত জয়লাভ কৰি অষ্ট্ৰেলিয়াই ১-০ গ’লত অগ্ৰগতি লাভ কৰিছে এই শৃংখলাত। অভিষেক শৰ্মাৰ বাহিৰে ভাৰতীয় বেটিং লাইন আপ দ্বিতীয় টি-২০ত বিধ্বস্ত হৈ পৰে। ইয়াৰ ফলত তৃতীয় টি-২০ আইৰ বাবে ভাৰতীয় খেলা একাদশত কিবা পৰিৱৰ্তন হ’ব নেকি বুলি প্ৰশ্ন উত্থাপন হৈছে।
হোবাৰ্টৰ বেলেৰিভ অভালত অনুষ্ঠিত হ’ব ইণ্ডিয়া বনাম অষ্ট্ৰেলিয়াৰ তৃতীয় টি-২০। মেচখন আৰম্ভ হ’ব দিনৰ ১:৪৫ বজাৰ পৰা।
বেলেৰিভ অভালৰ খেলপথাৰখন প্ৰথম অৱস্থাত বলাৰসকলৰ অনুকূল হ’ব পাৰে। এই পিটচত বেটিং কৰাটো সহজ বুলি গণ্য কৰা নহয়।স্পিন বলাৰসকলে সামান্য সহায় পোৱাৰ সম্ভাৱনা আছে। যিহেতু ইনিংছৰ পিছত বেটিং সহজ হৈ পৰে, গতিকে টছত জয়ী হোৱা দলটোৱে খেদিবলৈ প্ৰথমে বলিং কৰাৰ সম্ভাৱনা আছে।
ভাৰতীয় দলটোৰ সদস্যবোৰ হ’ল- শুভমান গিল (উপ অধিনায়ক), অভিষেক শৰ্মা, তিলক বৰ্মা, সূৰ্য্যকুমাৰ যাদৱ (অধিনায়ক), সঞ্জু চেমচন, শিৱম ডুবে, অক্ষৰ পেটেল, ৱাশ্বিংটন সুন্দৰ, হৰ্ষিত ৰাণা, যশপ্ৰিত বুম , আৰ্শদীপ সিং, বৰুণ চক্ৰৱৰ্তী।
