১১ নৱেম্বৰত বিহাৰ বিধানসভা নিৰ্বাচনৰ ভোটগ্ৰহণৰ সামৰণি পৰে। এইয়া আছিল দ্বিতীয় পৰ্যায়ৰ ভোটদান। প্ৰথম পৰ্যায়ৰ ভোটগ্ৰহণ ৬ নৱেম্বৰত অনুষ্ঠিত হৈছিল। ১৪ নৱেম্বৰত এই নিৰ্বাচনৰ ফলাফল ঘোষণা কৰা হ’ব।
এই নিৰ্বাচন দুটা মিত্ৰজোঁটৰ মাজত এক গুৰুত্বপূৰ্ণ প্ৰতিযোগিতা: শাসকীয় এন ডি এ আৰু গ্ৰেণ্ড এলায়েন্স। তৃতীয় পক্ষ ‘জন সুৰজে’ও প্ৰথমবাৰৰ বাবে প্ৰতিদ্বন্দ্বিতা আগবঢ়াইছে।
বিহাৰত মুঠ ২৪৩খন বিধানসভাৰ আসন আছে আৰু চৰকাৰ গঠন কৰিবলৈ যিকোনো দল বা মিত্ৰজোঁটৰ ১২২খন আসন থাকিব লাগিব।
দুয়োটা পৰ্যায়ৰ ভোটদানৰ পিছত বিভিন্ন এগজিট প’ল আহিছে আৰু প্ৰায় সকলো এক্সিট প’লত এন ডি এ মিত্ৰজোঁটক নিৰপেক্ষ সংখ্যাগৰিষ্ঠতা দিয়া হৈছে।
অৱশ্যে বহু সময়ত এগজিট প’ল আৰু চূড়ান্ত ফলাফলৰ মাজত কিছু অমিল দেখা যায়। সেয়েহে এই এগজিট প’ল চূড়ান্ত ফলাফল নহয়। বিহাৰত দুটা পৰ্যায়ৰ ভোটগ্ৰহণৰ অন্তত ১৪ নৱেম্বৰত ভোটগণনা হ’ব, তেতিয়াই চূড়ান্ত ফলাফল জানিব পৰা যাব।
