পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• আজি অসম চৰকাৰৰ নিযুক্তি-পত্ৰ বিতৰণ অনুষ্ঠান। বিভিন্ন বিভাগৰ অধীনত চতুৰ্থবৰ্গৰ পদত নিযুক্তি দিয়া প্ৰাৰ্থীক। গুৱাহাটীৰ খানাপাৰাৰ জ্যোতি-বিষ্ণু আন্তৰ্জাতিক কলা মন্দিৰত ৪০০ৰো অধিক প্ৰাৰ্থীক দিয়া হ’ব নিযুক্তি। এই অনুষ্ঠানত মুখ্য অতিথি হিচাপে উপস্থিত থাকিব মুখ্যমন্ত্ৰী ড০ হিমন্ত বিশ্ব শৰ্মা।
• অৰুণোদয়সহ অন্যান্য চৰকাৰী আঁচনিৰ পৰা বঞ্চিত বঙাইগাঁৱৰ ঝাউকুৰা দ্বিতীয় খণ্ড গাঁৱৰ ৰাইজ। ২০ নং পশ্চিম মাজেৰ আলগা গাঁও পঞ্চায়তৰ সভানেত্ৰী ফজিলা খাতুনৰ বিৰুদ্ধে ক্ষোভ প্ৰকাশ ৰাইজৰ। সভানেত্ৰীগৰাকীৰ বিৰুদ্ধে দুৰ্নীতিৰ অভিযোগ উত্থাপন কৰে স্থানীয়ই। চৰকাৰী আঁচনিৰ পৰা বঞ্চিত লোকে সাব্যস্ত কৰে প্ৰতিবাদ।
• প্ৰথমে বটদ্ৰৱা প্ৰকল্প, তাৰ পিছত শ্বহীদ স্মাৰক ক্ষেত্ৰ। ৮৬০গৰাকী শ্বহীদৰ স্মৃতি বিজড়িত শ্বহীদ স্মাৰক ক্ষেত্ৰত হিন্দী গীতৰ তালে তালে উদ্দাম নৃত্য যুৱতীৰ। হিন্দী গীতত ৰীল বনাই শ্বহীদক কৰা অপমানত ক্ষোভিত হৈ উঠিছে একাংশ।
• ইৰাণত মুদ্ৰাস্ফীতি আৰু হ্ৰাস পোৱা মুদ্ৰাক লৈ দুসপ্তাহ ধৰি প্ৰতিবাদ অব্যাহত আছে। ৮ জানুৱাৰীত নিৰ্বাসিত ক্ৰাউন প্ৰিন্স ৰেজা পাহলৱীয়ে মানুহক ঘৰৰ পৰা ওলাই আহি ইছলামিক শাসনৰ বিৰুদ্ধে বিক্ষোভ কৰিবলৈ আহ্বান জনোৱাৰ লগে লগে বিক্ষোভ তীব্ৰতৰ হৈ পৰে। ৰেজা পাহলৱীৰ এই আহ্বানৰ পিছতে ৰাজপথলৈ ওলাই আহে বৃহৎ সংখ্যক লোক। ইফালে ৰাজপথ পৰিষ্কাৰ কৰিবলৈ ইৰাণ চৰকাৰে নিৰাপত্তা বাহিনী মোতায়েন কৰে। খবৰ অনুসৰি ইৰাণৰ কমেও ৫০খন চহৰত বৃহৎ পৰিসৰৰ প্ৰতিবাদ চলি আছে। ৰাজপথলৈ ওলাই আহি ইৰাণৰ শাসন ব্যৱস্থাৰ বিৰুদ্ধে শ্লোগানেৰে চিঞৰিছে জনসাধাৰণে।