ইতিহাসৰ পৃষ্ঠাত আজিৰ দিনটো বহুকেইটা ঘটনাৰে লিপিবদ্ধ হৈ আছে। জানো আহক ইতিহাসৰ পাতত নথীভুক্ত হৈ থকা বহু ঘটনাৰ বিশেষত্বৰ বিষয়ে-
১৮৮৩- হিন্দুত্ববাদী নেতা তথা কবি বিনায়ক দামোদৰ সাৱৰকাৰৰ জন্ম হয়।
১৯০৮- জেমছ বণ্ডৰ চোৰাংচোৱা উপন্যাসৰ লেখক ইয়ান ফ্লেমিংৰ জন্ম হয়।
১৯২৩- দক্ষিণ ভাৰতৰ অন্যতম জনপ্ৰিয় নাম নন্দমুৰি তাৰকা ৰামা ৰাওৰ জন্ম হয়। চলচ্চিত্ৰত অপৰিসীম সফলতা অৰ্জন কৰাৰ পিছত এনটিআৰে ৰাজনীতিত প্ৰৱেশ কৰি তিনিবাৰ অন্ধ্ৰপ্ৰদেশৰ মুখ্যমন্ত্ৰী হিচাপে কাৰ্যনিৰ্বাহ কৰে।
১৯৩৪- কানাডাৰ অন্টাৰিঅ’ত অলিভা আৰু এলজিৰ ডিয়নৰ ঘৰত পাঁচটা সন্তান জন্ম হয়। ইতিহাসত প্ৰথমবাৰৰ বাবে একে সময়তে জন্ম হোৱা পাঁচোটা সন্তানেই বাচি থাকিল।
১৯৫৯- দুটা আমেৰিকান বান্দৰে মহাকাশলৈ সফলতাৰে যাত্ৰা কৰে।
১৯৬১- লণ্ডনত মানৱ অধিকাৰ সুৰক্ষা আৰু ইয়াৰ বিষয়ে সজাগতা বৃদ্ধিৰ লক্ষ্যৰে এম্নেষ্টী ইণ্টাৰনেশ্যনেল প্ৰতিষ্ঠা কৰা হয়। ১৯৭৭ চনত ইয়াক শান্তিৰ নোবেল বঁটা প্ৰদান কৰা হয়।
১৯৬৭- ব্ৰিটিছ নাৱিক ছাৰ ফ্ৰান্সিছ চিচেষ্টাৰে এককভাৱে বিশ্ব প্ৰদক্ষিণ কৰি ৬৫ বছৰ বয়সত ঘৰলৈ উভতি আহে।
১৯৭০- সৰ্বভাৰতীয় ট্ৰেড ইউনিয়ন কংগ্ৰেছৰ আনুষ্ঠানিক বিভাজন।
১৯৮৯- মাৰ্থাকাৱলী ডেভিদ ভাৰতৰ প্ৰথম আৰু বিশ্বৰ দ্বিতীয় মহিলা খ্ৰীষ্টান পুৰোহিত হিচাপে পৰিগণিত হয়।
১৯৯৬- প্ৰধানমন্ত্ৰী অটল বিহাৰী বাজপেয়ীয়ে পদত্যাগ কৰে।
১৯৯৬- ৰাছিয়াই চেচেনিয়াক সৰ্বোচ্চ স্বায়ত্তশাসন প্ৰদান কৰিবলৈ সন্মত হয়।
১৯৯৮- পাকিস্তানে ৫টা ভূগৰ্ভস্থ পাৰমাণৱিক পৰীক্ষা সম্পন্ন কৰে। মাত্ৰ এসপ্তাহ আগতে ভাৰতে একেধৰণৰ পাৰমাণৱিক পৰীক্ষা কৰিছিল।
২০০২- নেপালত পুনৰ জৰুৰীকালীন অৱস্থা জাৰি কৰা হয়।
২০০৮- নেপালৰ ২৪০ বছৰীয়া ৰাজতন্ত্ৰৰ অন্ত পৰে।
২০০৮- আমেৰিকাই পাকিস্তান সমৰ্থক সন্ত্ৰাসবাদী সংগঠন লস্কৰ-ই-টাইবাৰ চাৰিজন নেতাৰ ওপৰত আৰ্থিক নিষেধাজ্ঞা আৰোপ কৰে।
