লণ্ডনত পাকিস্তানী গ্ৰুমিং গেঙে এগৰাকী ১৪ বছৰীয়া শিখ কিশোৰীক অপহৰণ কৰি তাৰ পিছত অপকৰ্ম সংঘটিত কৰে। কিশোৰীগৰাকীক অপহৰণ কৰি এটা ফ্লেটত আৱদ্ধ কৰি ৰাখিছিল এই দলটোৱে, য’ত ৫-৬ জন লোকে কিশোৰীগৰাকীৰ সৈতে ভয়ংকৰ কাণ্ড কৰিছিল।
সংবাদ মাধ্যমৰ বাতৰি অনুসৰি, লণ্ডনত বসবাস কৰা শিখসকলে এই ঘটনাৰ খবৰ পোৱাৰ লগে লগে অভিযুক্তৰ ফ্লেটৰ বাহিৰত সমবেত হৈ এক বৃহৎ হুলস্থুলৰ সৃষ্টি কৰে। আন শিখধৰ্মীয় লোকসকলে এই ঘটনাৰ খবৰ পোৱাৰ লগে লগে অভিযুক্তৰ ফ্লেটত ভিৰ কৰে। অলপ সময়ৰ ভিতৰতে ২০০ৰো অধিক শিখ লোক উপস্থিত হৈ কেইবা ঘন্টা ধৰি প্ৰতিবাদ সাব্যস্ত কৰে।
ইয়াৰ পিছত সকলোৱে মিলি কিশোৰীগৰাকীৰ মুক্তি নিশ্চিত কৰে। শিখসকলে অভিযোগ কৰে যে, পশ্চিম লণ্ডনত কিশোৰীগৰাকীৰ অপহৰণ আৰু ভয়ংকৰ কাণ্ড সাধাৰণ হৈ পৰিছে। এই ঘটনাৰ এটা ভিডিঅ’ সামাজিক মাধ্যমত প্ৰচাৰিত হৈছে। আমেৰিকাৰ ব্যৱসায়ী ইলন মাস্কেও ইয়াৰ ওপৰত উদ্বেগ প্ৰকাশ কৰি ব্ৰিটিছ প্ৰধানমন্ত্ৰীক কোনো ব্যৱস্থা গ্ৰহণ নকৰাৰ বাবে তীব্ৰ সমালোচনা কৰে।
