ইতিহাসৰ পৃষ্ঠাত আজিৰ দিনটো বহুকেইটা ঘটনাৰে লিপিবদ্ধ হৈ আছে। জানো আহক ইতিহাসৰ পাতত নথীভুক্ত হৈ থকা বহু ঘটনাৰ বিশেষত্বৰ বিষয়ে-
১৯২৪- ব্ৰিটেইনত লেবাৰ পাৰ্টিয়ে প্ৰথম চৰকাৰ গঠন কৰে। দলৰ নেতা ৰামছে মেকড’নাল্ড প্ৰধানমন্ত্ৰী হৈছিল।
১৯২৪- বলছেভিক বিপ্লৱৰ নেতা তথা ১৯১৭ চনৰ পৰা ১৯২৪ চনৰ ভিতৰত ছোভিয়েট ইউনিয়নৰ প্ৰথম মুৰব্বী ভ্লাদিমিৰ লেনিনৰ মৃত্যু হয়।
১৯৫০- যক্ষ্মা ৰোগৰ সৈতে তিনি বছৰীয়া যুদ্ধৰ অন্তত প্ৰখ্যাত ইংৰাজী সাহিত্যিক জৰ্জ অৰৱেলৰ মৃত্যু হয়।
১৯৫৮- কপিৰাইট আইন কাৰ্যকৰী হয়।
১৯৬১- ৰাণী এলিজাবেথ আৰু এডিনবাৰ্গৰ ড্যুক নতুন দিল্লীত উপস্থিত হয়।
১৯৭২- মণিপুৰ আৰু ত্ৰিপুৰা ৰাজ্য প্ৰতিষ্ঠা হয়।
১৯৭৬- ফ্ৰান্স আৰু ব্ৰিটেইনৰ আৰ্থিক সাহায্যত নিৰ্মিত ছুপাৰছনিক বাণিজ্যিক বিমান কনকৰ্ডে নিয়মীয়া সেৱা আৰম্ভ কৰে। ইয়াৰ পিছত বিশ্বজুৰি তীব্ৰবেগী বিমান নিৰ্মাণৰ দৌৰ আৰম্ভ হ’ল।
১৯৯৬- স্বায়ত্তশাসিত পেলেষ্টাইনৰ প্ৰথম ঐতিহাসিক সাধাৰণ নিৰ্বাচনত পেলেষ্টাইন মুক্তি সংগঠনৰ নেতা ইয়াছিৰ আৰাফাত ৮৫ শতাংশ ভোট লাভ কৰি নিৰ্বাচিত হয়।
১৯৯৬- ইণ্ডোনেছিয়াৰ সুমাট্ৰাৰ উপকূলত এখন যাত্ৰীবাহী নাও ডুব যোৱাৰ ফলত প্ৰায় ৩৪০ জন লোকৰ মৃত্যু হয়।
২০০৮- ভাৰতে ইজৰাইলৰ চোৰাংচোৱা উপগ্ৰহ উৎক্ষেপণ কৰি মেৰু কক্ষপথত সফলতাৰে স্থাপন কৰে।
২০০৯- কৰ্ণাটকৰ বিদাৰত বায়ুসেনাৰ প্ৰশিক্ষণ বিমান সূৰিকৰণ দুৰ্ঘটনাগ্ৰস্ত হৈ এজন পাইলটৰ মৃত্যু হয়।
