পাকিস্তানৰ বিৰুদ্ধে ভাৰতীয় নিৰাপত্তা বাহিনীয়ে আৰম্ভ কৰা অপাৰেচন সিন্দুৰক বিশ্ববাসীৰ সন্মুখত প্ৰকাশ কৰা ভাৰতীয় সেনা বিষয়া কৰ্ণেল ছফিয়া কুৰেশ্বীকো গণৰাজ্য দিৱসত সন্মান জনোৱা হ’ব। ৰাষ্ট্ৰপতিৰ অনুমোদনৰ পিছত চৰকাৰে ঘোষণা কৰিছে যে, তেওঁক বিশিষ্ঠ সেৱা পদক (ভি এছ এম) প্ৰদান কৰা হ’ব।
পেহেলগাম সন্ত্ৰাসবাদী আক্ৰমণৰ পিছত পাকিস্তানত সন্ত্ৰাসবাদী ঘাটি ধ্বংস কৰিবলৈ ভাৰতে আৰম্ভ কৰা অপাৰেচন সিন্দুৰক লৈ যেতিয়া উৰাবাতৰি প্ৰচাৰ হৈছিল, তেতিয়া ভাৰতীয় বায়ুসেনাৰ কৰ্ণেল ছফিয়া কুৰেশ্বী আৰু উইং কমাণ্ডাৰ ব্যোমিকা সিঙক কমাণ্ড দিয়া হৈছিল। চুবুৰীয়া দেশখনৰ মিছা কথা উদঙাই দি এই অভিযানৰ উদ্দেশ্য বিশ্ববাসীৰ আগত প্ৰকাশ কৰে।
কৰ্ণেল ছফিয়া কুৰেশ্বীয়ে প্ৰথমবাৰৰ বাবে সকলোকে সম্বোধন কৰে, যেতিয়া তেওঁ ভাৰতীয় দলটোক বহুজাতিক সামৰিক অনুশীলনত নেতৃত্ব দি ভাৰতীয় সেনাবাহিনীৰ প্ৰথমগৰাকী মহিলা বিষয়া হিচাপে পৰিগণিত হয়। ‘এক্সাৰচাইজ ফৰ্চ ১৮’ নামেৰে নামাকৰণ কৰা এই অনুশীলন ভাৰতে এতিয়ালৈকে চলোৱা সৰ্ববৃহৎ বিদেশী সামৰিক অনুশীলন আছিল। অনুশীলনত অংশগ্ৰহণ কৰা ১৮টা দলৰ ভিতৰত লেফটেনেণ্ট কৰ্ণেল ছফিয়া কুৰেশ্বী আছিল একমাত্ৰ মহিলা বিষয়া।
২৫ জানুৱাৰীত ৰাষ্ট্ৰপতি দ্ৰৌপদী মুৰ্মুৰ অনুমোদনৰ পিছতে প্ৰতিৰক্ষা মন্ত্ৰালয়ে ভাৰতীয় নিৰাপত্তা বাহিনীৰ জোৱান আৰু বিষয়াসকলক বীৰত্ব বঁটাৰে সন্মানিত কৰিবলগীয়া তালিকা প্ৰকাশ কৰে। প্ৰতিৰক্ষা মন্ত্ৰালয়ে ঘোষণা কৰিছে যে, মুঠ ১৩৩ গৰাকী বিষয়াক বিশিষ্ট সেৱা পদক (ভি এছ এম) প্ৰদান কৰা হ’ব। ভাৰতৰ অপাৰেচন সিন্দুৰৰ সময়ত বিশিষ্টতা লাভ কৰা ভাৰতীয় সেনাৰ বিষয়া কৰ্ণেল ছফিয়া কুৰেশ্বীকো সন্মান জনোৱা হ’ব।
