পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• এক মৃদু ভূঁইকপে জোঁকাৰিলে ৰাজ্য। এই ভূমিকম্পৰ অভিকেন্দ্ৰ আছিল ঢেকিয়াজুলি। পুৱা ৮.৫৬ বজাত অনুভূত হয় ভূমিকম্পৰ জোঁকাৰণি। গুৱাহাটী আৰু ইয়াৰ উপকণ্ঠীয় অঞ্চলসমূহত হয় ভূমিকম্প। ৰিখটাৰ স্কেলত ভূমিকম্পৰ প্ৰাবল্য আছিল ৪.২।
• গোৱালপাৰাৰ বুধিপৰাত ৰাজ্য কঁপাই যোৱা এক ভয়ংকৰ পথ দুৰ্ঘটনা সংঘটিত হৈছে। পুৱতি নিশা বৰযাত্ৰীৰ বাহন এখন ৰাষ্ট্ৰীয় ঘাইপথৰ কাষত ৰৈ থকা অৱস্থাত পিছফালৰ এখন মালবাহী ট্ৰাকে খুন্দা মাৰে। ইয়াৰ ফলত থিতাতে নিহত হয় ২জনকৈ লোক লগতে ১০ জনতকৈও অধিক লোক আহত হয়। নিহত দুজন হৈছে ৰবি দাস আৰু নৰেশ দাস। নৰেশ দাস আৰু ৰবি দাস আছিল দৰাৰ ককায়েক আৰু মোমায়েক। আহতসকলক উদ্ধাৰ কৰি আৰক্ষীয়ে উন্নত চিকিৎসাৰ বাবে গোৱালপাৰা নিধনুৰাম ৰাজবংশী চিকিৎসালয়লৈ প্ৰেৰণ কৰে।
• আজি উচ্চতম ন্যায়ালয়ত SIRক লৈ গুৰুত্বপূৰ্ণ শুনানি। SIRক লৈ আজি ডাঙৰ ৰায় দিয়াৰ সম্ভাৱনা উচ্চতম ন্যায়ালয়ৰ। SIRৰ বিৰুদ্ধে মমতা বেনাৰ্জীৰ আৱেদন দাখিল। পশ্চিমবংগত ভোটাৰ তালিকাৰ পৰা কৰ্তন হৈছে ৫৮ লাখ লোকৰ নাম। ইচ্ছাকৃতভাৱে মুছলমান ভোটাৰৰ নাম কৰ্তন কৰাৰ অভিযোগ মমতা বেনাৰ্জীৰ। আজি আদালতত যুক্তি দৰ্শাব মমতা বেনাৰ্জীয়ে।
• ১৯৯০ চনৰ এপ্ৰিল মাহত প্ৰতিষ্ঠা হোৱা সন্ত্ৰাসবাদী সংগঠন হিজবুল মুজাহিদীনৰ প্ৰতিষ্ঠাপক সদস্য সন্ত্ৰাসবাদী অধিনায়ক কাইজাৰ আহমেদ মিৰ ওৰফে মহম্মদ ইকবালৰ ২ ফেব্ৰুৱাৰীত পাকিস্তানৰ ৰাজধানী ইছলামবাগত মৃত্যু হয়। খবৰ অনুসৰি, এই কুখ্যাত আৰু নিষ্ঠুৰ হিজবুল মুজাহিদীনৰ সেনাপতিজন কেন্সাৰ ৰোগত আক্ৰান্ত হৈ আছিল। ভাৰতৰ পৰা পলায়ন কৰাৰ পিছত বিগত দুটা দশক ধৰি পাকিস্তানৰ ৰাজধানী ইছলামবাগৰ তৰলাই কালান অঞ্চলত বাস কৰিছিল।