সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
- আজিৰে পৰা আৰম্ভ মেট্ৰিক পৰীক্ষা।এইবাৰ নতুন নিয়মেৰে অনুষ্ঠিত হ’ব HSLC পৰীক্ষা। বেচৰকাৰী বিদ্যালয়ৰ পৰিৱৰ্তে চৰকাৰী বিদ্যালয়ত অনুষ্ঠিত হ’ব সকলো পৰীক্ষা।লগতে পৰীক্ষা নিৰীক্ষকৰ দায়িত্বত নাথাকিব ব্যক্তিগত বিদ্যালয়ৰ কোনো শিক্ষক। মেট্ৰিক, HS পৰীক্ষাত তন্ন-তন্নকৈ চলোৱা হ’ব পৰীক্ষা।প্ৰতিগৰাকী শিক্ষাৰ্থীক তালাচী চলোৱা হ’ব। পৰীক্ষাহললৈ নিৰীক্ষকে নিব নোৱাৰিব মোৱাইল ফোন কটকটীয়া নিৰাপত্তা আৰু CCTVৰ নিৰীক্ষণত প্ৰতিটো পৰীক্ষা কেন্দ্ৰ। ৯ বজাৰ লগে লগেই আৰম্ভ হ’ব মেট্ৰিক।
- আজি প্ৰকাশ পাব চূড়ান্ত ভোটাৰ তালিকা। SRৰ পাছত আজি নিৰ্বাচন আয়োগে আনুষ্ঠানিকভাৱে প্ৰকাশ কৰিব এই তালিকা। চূড়ান্ত তালিকা প্ৰকাশৰ পিছতে পৰীক্ষা কৰিব পাৰিব নিজৰ নাম, ঠিকনা আৰু তথ্যসমূহ।ভোটাৰ লিষ্টত নাম নাথাকিলে ততালিকে নিৰ্বাচনী বিষয়াৰ কাৰ্যালয়ৰ সৈতে যোগাযোগ কৰিব পাৰিব। লগতে যিকোনো সমস্যাৰ বাবে ফোন কৰিব পাৰিব ১৯৫০ নম্বৰত। অথবা voters.eci.gov.in বা ceoassam.nic.in যোগেও ভোটাৰ তালিকাত নিজৰ নাম পৰীক্ষা কৰিব পাৰিব। চূড়ান্ত ভোটাৰ তালিকাৰ ভিত্তিতেই অনুষ্ঠিত হ’ব আগন্তুক বিধানসভা নিৰ্বাচন
- নাৰায়ণপুৰৰ পদপথত উঠিছে টকাৰ উজান। এটকা, দুটকাৰ পৰা আৰম্ভ কৰি উদ্ধাৰ ৫০০ টকীয়া নোট। এই ঘটনা নাৰায়ণপুৰৰ ঠাকুৰবাৰী মন্দিৰৰ সন্মুখৰ। ঠাইখিনিত বাস কৰি আহিছিল মানসিক বিকাৰগ্ৰস্ত মাতৃ-পুত্ৰই। মাতৃ-পুত্ৰৰ পৰা ৫৫ হাজাৰৰো অধিক টকা উদ্ধাৰ কৰে স্থানীয় ৰাইজে। ইতিমধ্যে মাতৃ-পুত্ৰক তেজপুৰ চিকিৎসালয়লৈ প্ৰেৰণ কৰা হৈছে। সুস্থ হৈ অহাৰ পিছত পুনৰ মাতৃ-পুত্ৰক চমজাই দিয়া হ’ব ধন
- আমেৰিকা আৰু ইৰাণৰ মাজত উত্তেজনা পুনৰ দ্ৰুতগতিত বৃদ্ধি পাইছে। জানুৱাৰী মাহৰ শেষৰ ফালে আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে, বৃহৎ আৰু শক্তিশালী যুদ্ধজাহাজ ইৰাণৰ দিশে আগবাঢ়িছে আৰু আমেৰিকাই সেইবোৰ ব্যৱহাৰ নকৰাৰ আশা কৰিছে। তেতিয়াৰ পৰাই আমেৰিকাই মধ্যপ্ৰাচ্যত সামৰিক উপস্থিতি বহু পৰিমাণে বৃদ্ধি কৰিছে। ইৰাণে আমেৰিকাৰ এই সামৰিক নিয়োগৰ প্ৰতি সঁহাৰি জনাই কয় যে ইৰাণে বলৰ ভাষা বুজি নাপায়। ইৰাণৰ বৈদেশিক মন্ত্ৰী আব্বাছ আৰাঘচিয়ে উল্লেখ কৰে যে আমেৰিকাই এই অঞ্চলত নিজৰ জাহাজ আৰু বিমান নিয়োগ কৰিছে যদিও ইয়াৰ ফলত ইৰাণক ভয় খুৱাব নোৱাৰিব।
