সমগ্ৰ বিশ্বতে বৰ্তমান আটাইতকৈ বেছি চৰ্চিত বিষয়টো হৈছে এপষ্টেইন ফাইলছ। এই ফাইলৰ সৈতে জড়িত নথি-পত্ৰসমূহ প্ৰকাশ পোৱাৰ লগে লগে ৰাজনৈতিক, সংবাদ মাধ্যম, আৰু ছ’চিয়েল মিডিয়া ক্ৰমান্বয়ে উত্তপ্ত হৈ পৰিছে। এই এপষ্টেইন ফাইল নো কি, ইয়াত এনেকুৱা কি বিষয় আছে যিয়ে বিশ্বৰ দৃষ্টি আকৰ্ষণ কৰিছে আৰু ডাঙৰ ডাঙৰ নামবোৰ সঁচাকৈয়ে বিপদত পৰিছে জানো আহক-
জেফ্ৰি এপষ্টেইন আছিল নাবালিকাক শাৰিৰীকভাৱে শোষণ কৰা আৰু সৰবৰাহকে ধৰি বহু গুৰুতৰ অভিযোগত অভিযুক্ত এজন ধনী আমেৰিকান ব্যক্তি। ২০১৯ চনত গ্ৰেপ্তাৰ হৈছিল যদিও বিচাৰৰ পূৰ্বে নিউয়ৰ্কৰ এখন কাৰাগাৰত সন্দেহজনক পৰিস্থিতিত তেওঁৰ মৃত্যু হয়। তেতিয়াৰ পৰাই গোচৰটো ষড়যন্ত্ৰমূলক তত্ত্ব আৰু প্ৰশ্নৰ আৱৰণেৰে আবৃত হৈ পৰিছে।
এপষ্টেইন ফাইলবোৰ কি?
এপষ্টেইন ফাইলছ হৈছে এপষ্টেইনৰ তদন্তৰ সময়ত আমেৰিকাৰ ন্যায় বিভাগ, এফ বি আই আৰু আদালতে সংগ্ৰহ কৰা নথি-পত্ৰৰ সংকলন। এই নথিপত্ৰসমূহৰ ভিতৰত আছে সাক্ষীৰ বক্তব্য, ইমেইল, ভ্ৰমণৰ ৰেকৰ্ড, যোগাযোগৰ তালিকা, আদালতৰ ফাইলিং, আৰু তদন্তৰ সৈতে জড়িত অন্যান্য গুৰুত্বপূৰ্ণ নথিপত্ৰ। শেহতীয়াকৈ এই ফাইলসমূহৰ এটা অংশ আদালতৰ নিৰ্দেশত ৰাজহুৱা কৰা হৈছে।
ফাইলবোৰত কি প্ৰকাশ পাইছিল?
শেহতীয়াকৈ এপষ্টিনৰ ক’লা অধ্যায়ৰ ফাইলছ পোহৰলৈ অহাৰ পিচতে পুনৰ চৰ্চালৈ আহিছে এইজন অপৰাধীৰ ব্যভিচাৰী কাণ্ডৰ কাহিনী। প্রাপ্ত বাতৰিমতে কিশোৰীক যৌন নির্যাতন চলোৱা এপষ্টিনে ফ্রান্সৰ পেৰিছত এটা ৰেড কম স্থাপন কৰিছিল। পাপীৰ কোঠা হিচাপেও পৰিচিত এই ৰেড কমটোত বিশ্বৰ নামী-দামী ব্যক্তিসকলৰ সম্মুখত আপত্তিজনক অৱস্থাত মহিলাই নৃত্য কৰিছিল। জানিব পৰা মতে, এপষ্টেইনে বহু কম বয়সীয়া যুৱতীক নিজৰ ফ্লেটটোলৈ নিছিল আৰু একাংশ লোকৰ সন্মুখত তেওঁলোকক অশ্লীল নৃত্য কৰিবলৈ বাধ্য কৰিছিল।
এই নথিসমূহত এপষ্টেইনৰ যোগাযোগৰ বিশদ বিৱৰণ দিয়া হৈছে, য’ত অসংখ্য প্ৰভাৱশালী ব্যক্তি, ব্যৱসায়ী, ৰাজনীতিবিদ আৰু চেলিব্ৰিটি অন্তৰ্ভুক্ত বুলি কোৱা হৈছে। কিন্তু বিশেষজ্ঞসকলে স্পষ্টভাৱে কয় যে, ফাইলসমূহত এটা নাম থাকিলেই দোষী সাব্যস্ত নহয়। বহু নাম কেৱল যোগাযোগ বা ভ্ৰমণৰ উল্লেখ।
সংবাদ মাধ্যমৰ বাতৰি অনুসৰি এপষ্টেইন ফাইলৰ বহু তথ্য অসম্পূৰ্ণ বা সুৰক্ষাজনিত কাৰণত সম্পাদনা কৰা হৈছে। ভুক্তভোগীৰ পৰিচয় আৰু গোপনীয়তা ৰক্ষাৰ বাবে এই কাম কৰা হৈছিল। গতিকে এই নথি-পত্ৰৰ ভিত্তিত কাৰোবাৰ ওপৰত প্ৰত্যক্ষভাৱে অভিযোগ উত্থাপন কৰাটো শুদ্ধ নহয় বুলি গণ্য কৰা হয়।এপষ্টেইন ফাইলৰ সন্দৰ্ভত বহু দাবী, লিক হোৱা তালিকা, আৰু চাঞ্চল্যকৰ পোষ্ট ছ’চিয়েল মিডিয়াত ভাইৰেল হৈ পৰিছে। কিন্তু তথ্য পৰীক্ষা কৰিলে বহু দাবী বিভ্ৰান্তিকৰ বা অসম্পূৰ্ণ বুলি ধৰা পৰে। আমেৰিকাৰ সংস্থাসমূহেও উৰাবাতৰি বিশ্বাস নকৰিবলৈ আহ্বান জনাইছে।
যৌন অপৰাধী জেফ্রি এপষ্টেইনৰ ফাইল ৰাজহুৱা হোৱাৰ পিচতে বিশ্বৰ ১০ খন দেশত পদত্যাগৰ জোৱাৰ উঠা দেখা গৈছে। মার্কিন ন্যায় বিভাগে এপষ্টেইন ফাইলছৰ ৩০ লাখ পৃষ্ঠা ফাদিল কৰাৰ পিচতে হৈ-চৈৰ সৃষ্টি হৈছে। ১০ খন দেশত কমেও ১৫ জন শীর্ষ নেতাই এতিয়ালৈকে পদত্যাগ কৰিছে। তদুপৰি ৰাজনীতিক, ধনকুযেৰ আৰু বাজপয্যিয়ালৰ সদস্যাসহ ৮০ গৰাকী লোকৰ বিৰুদ্ধে তদন্ত আৰম্ভ হৈছে।
ইয়াৰ দ্বাৰা এই প্ৰশ্ন উত্থাপন হৈছে যে ক্ষমতাশালী লোকসকলক আইনৰ পৰা সুৰক্ষিত কৰা হৈছিল নেকি, তদন্ত সম্পূৰ্ণ স্বচ্ছতাৰে নকৰাৰ লগতে ভুক্তভোগীয়ে সম্পূৰ্ণ ন্যায় লাভ নকৰিলে নেকি। এই কাৰণেই এপষ্টেইন ফাইলছ বিষয়টো বিশ্বজুৰি আলোচনাৰ বিষয় হৈ পৰিছে।
