পাকিস্তান ছুপাৰ লীগৰ ইতিহাসৰ আটাইতকৈ দামী খেলুৱৈ হিচাপে পৰিগণিত হৈছে ষ্টিভ স্মিথ। PSL 11 আৰম্ভ হোৱাৰ পূৰ্বে তেওঁক চিয়ালকট ষ্টেলিয়নে ১৪ কোটি পাকিস্তানী টকাত চুক্তিবদ্ধ হয়। বৰ্তমান ২০২৬ চনৰ টি-২০ বিশ্বকাপৰ বাবে অষ্ট্ৰেলিয়ান দলৰ অংশ হিচাপে থকা স্মিথে আঘাতৰ বাবে সমগ্ৰ প্ৰতিযোগিতাখনৰ পৰা বাদ পৰা মিচেল মাৰ্ছৰ ঠাইত খেলিব। ছিয়ালকট ষ্টেলিয়নছে স্মিথক পৰৱৰ্তী ছিজনৰ বাবে ৫ লাখ মাৰ্কিন ডলাৰ দিব।
২৬ মাৰ্চৰ পৰা আৰম্ভ হ’ব PSL 11 আৰু ৩ মে’ত চূড়ান্ত মেচ অনুষ্ঠিত হ’ব। এঘাৰটা ছিজনৰ বাবে দলৰ সংখ্যা ৬ ৰ পৰা ৮লৈ বৃদ্ধি কৰা হৈছে। পাকিস্তান ক্ৰিকেট ব’ৰ্ডে দুটা নতুন দলৰ নিলাম অনুষ্ঠিত কৰে। সেই নিলামৰ ফলত ছিয়ালকট ষ্টেলিয়নছৰ অস্তিত্ব আহিছিল। মন কৰিবলগীয়া যে, PSLয়ে ড্ৰাফট প্ৰক্ৰিয়াটো বাহিৰ কৰি ২০২৬ চনত প্ৰথম নিলাম অনুষ্ঠিত কৰে। PSL 11 ৰ নিলাম ১১ ফেব্ৰুৱাৰীত অনুষ্ঠিত হয়।
ইছলামবাদ ইউনাইটেডে ৮.৬৫ কোটিত ক্ৰয় কৰা এই নিলামত আটাইতকৈ দামী পাকিস্তানী খেলুৱৈ আছিল দ্ৰুত বলাৰ নছিম শ্বাহ। লগতে অল ৰাউণ্ডাৰ খেলুৱৈ ফাহীম আশ্ৰাফকো ইছলামবাদ ইউনাইটেডে ৮.৫ কোটিত ক্ৰয় কৰে।
বাবৰ আজমক PSL ৰ বাবে পেছাৱৰ জালমীয়ে ৭ কোটি টকাৰ বিনিময়ত ৰাখে। আটাইতকৈ ব্যয়বহুল খেলুৱৈ হিচাপে ৰখা হয় ছেম আয়ুব, যাক পেছাৱৰ জালমীয়ে ১২.৫ কোটি টকাত ধৰি ৰাখে। এই নিলামত আটাইকেইটা দলে নিজৰ দলত মুঠ ১০৩ জন খেলুৱৈক সংযোজন কৰে। সাধাৰণতে ইণ্ডিয়ান প্ৰিমিয়াৰ লীগৰ পূৰ্বে পি এছ এল অনুষ্ঠিত হয় যদিও এইবাৰ ভাৰতীয় আৰু পাকিস্তানী লীগৰ মাজত সংঘৰ্ষ হ’ব।
