সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
সমাগত অসম বিধান সাধাৰণ নিৰ্বাচন। অসমৰ গাঁৱে-ভূঞে, চহৰে-নগৰে সকলোতে বাজিছেনিৰ্বাচনী ৰণডংকা।ৰাজ্যিক-আঞ্চলিক প্ৰত্যেকটো দলেই নিজৰ নিজৰ দলৰ প্ৰচাৰ অভিযানত নামি গৈছে। ৰাজ্যিক বিজেপিৰ ‘জন আশীৰ্বাদ যাত্ৰা’ৰ আজি ষষ্ঠ দিন। ৰাইজৰ আশীৰ্বাদ বিচাৰি যাত্ৰা আৰম্ভ কৰিছে বিজেপিয়ে। সৰুপথাৰ, গোলাঘাট, খুমটাই, দেৰগাঁৱত আজিৰ আশীৰ্বাদ কাৰ্যসূচী। সৰুপথাৰৰ পৰা মুখ্যমন্ত্ৰীয়ে আৰম্ভ কৰিব ‘জন আশীৰ্বাদ যাত্ৰা’।
মধ্যপ্ৰাচ্যৰ যুদ্ধৰ মাজতে সাধাৰণ জনতাৰ মূৰত মাধমাৰ। ইৰাণ-আমেৰিকা-ইজৰাইল যুদ্ধৰ প্ৰভাৱ পৰিল ৰন্ধন গেছৰ মূল্যত। ঘৰুৱা ব্যৱহাৰযোগ্য চিলিণ্ডাৰৰ দাম ৬০ টকাকৈ বৃদ্ধি পায়। আনহাতে বাণিজ্যিক চিলিণ্ডাৰৰ দাম ১১৫ টকাকৈ বৃদ্ধি হয়। গুৱাহাটীত ৰন্ধন গেছৰ মূল্য হয় ৯০২ টকা আৰু বাণিজ্যিক বাণিজ্যিক চিলিণ্ডাৰৰ দাম ১৯৩৬ টকাকৈ বৃদ্ধি হয়।
ভাৰতত প্ৰথমবাৰৰ বাবে নাবালকসকলে ছ’চিয়েল মিডিয়া ব্যৱহাৰ কৰাৰ বিৰুদ্ধে এনে কঠোৰ ব্যৱস্থা গ্ৰহণৰ কথা ঘোষণা কৰিছে ৰাজ্য চৰকাৰে। কৰ্ণাটক বিধানসভাত বাজেট দাখিল কৰি মুখ্যমন্ত্ৰী সিদ্ধাৰমাইয়াই কয় যে, ৰাজ্য চৰকাৰে ১৬ বছৰৰ তলৰ শিশুৰ বাবে ছ’চিয়েল মিডিয়াৰ ব্যৱহাৰ নিষিদ্ধ কৰাৰ পৰিকল্পনা কৰিছে। চৰকাৰৰ মতে, শিশুসকলৰ মাজত মোবাইল আৰু ছ’চিয়েল মিডিয়াৰ প্ৰতি আসক্তি বৃদ্ধি পোৱাৰ ফলত তেওঁলোকৰ মানসিক স্বাস্থ্য, শিক্ষণ ক্ষমতা আৰু একাগ্ৰতাত প্ৰভাৱ পৰিছে।
মধ্যপ্ৰাচ্যত আমেৰিকা, ইজৰাইল আৰু ইৰাণৰ মাজত ক্ৰমাৎ বৃদ্ধি পোৱা যুদ্ধই এতিয়া সামুদ্ৰিক বাণিজ্যিক যোগাযোগ বিচ্ছিন্ন কৰি পেলাইছে। ইৰাণৰ আটাইতকৈ গুৰুত্বপূৰ্ণ আৰু ব্যস্ত বন্দৰ বান্দৰ আব্বাছ এতিয়া প্ৰায় সম্পূৰ্ণৰূপে বন্ধ হৈ পৰিছে। হৰমুজ জলদ্বীপ ভাবুকিৰ সন্মুখীন হৈছে, জাহাজৰ বীমাৰ কভাৰেজ বাতিল কৰা হৈছে, মালবাহীৰ হাৰ দুগুণতকৈও অধিক বৃদ্ধি পাইছে। ইয়াৰ ফলত ভাৰতৰ বাছমতী ধান ৰপ্তানিত ডাঙৰ আঘাত পৰিছে, য’ত ইৰাণ দ্বিতীয় বৃহত্তম বজাৰ আৰু য’ত আফগানিস্তান, তাজিকিস্তান, তুৰ্কমেনিস্তানৰ দৰে ভূমি আৱদ্ধ দেশসমূহলৈ যোগান বান্দাৰ আব্বাছ বন্দৰৰ জৰিয়তে চম্ভালিব পৰা যায়।
