হিন্দুৰ মাটি ক্ৰয় কৰিবলৈ মুছলমানে ল’ব লাগিব অনুমতি, একেদৰে মুছলমানৰ মাটি ক্ৰয় কৰিবলৈ হিন্দুয়ে ল’ব লাগিব অনুমতি। আনকি, মাটি-বাৰী ক্ৰয় সন্দৰ্ভত মুখ্যমন্ত্ৰীৰ পৰা অনুমোদন লোৱাৰ পিছতে ক্ৰয় কৰিব পাৰিব মাটি। আগন্তুক বিধানসভাত মাটি-বাৰী ক্ৰয় সন্দৰ্ভত এখন বিধেয়ক অনা হ’ব বুলি মন্তব্য প্ৰদান কৰে মুখ্যমন্ত্ৰীয়ে।
এই মন্তব্য মুখ্যমন্ত্ৰী হিমন্ত বিশ্ব শৰ্মাৰ। দেওবাৰে কলাক্ষেত্ৰত অনুষ্ঠিত বিজেপিৰ বৰ্ধিত কাৰ্যনিৰ্বাহক সভাত এই মন্তব্য প্ৰদান কৰে মুখ্যমন্ত্ৰী হিমন্ত বিশ্ব শৰ্মাই।
ইয়াৰ লগতে অৰুণোদয় আঁচনিৰ প্ৰসংগ উল্লেখ কৰে মুখ্যমন্ত্ৰীয়ে। নিৰ্বাচনৰ সময়ত অৰুণোদয়ৰ প্ৰ-পত্ৰ পূৰণ কৰা সকলো মহিলাই লাভ কৰিব ধন । ইয়াৰ বাবে প্ৰত্যেকটো বুথ কেন্দ্ৰত গঠন কৰিব ৩জনীয়া কমিটি । প্ৰত্যেকটো বুথে নিৰ্বাচন কৰিব অৰুণোদয় হিতাধিকাৰীৰ নাম ।
ইফালে, বিটিআৰ নিৰ্বাচন সন্দৰ্ভতো মন্তব্য প্ৰদান মুখ্যমন্ত্ৰী হিমন্ত বিশ্ব শৰ্মাৰ। আগন্তুক বিটিআৰ আৰু পঞ্চায়ত নিৰ্বাচন অকলে খেলিব বিজেপিয়ে। পঞ্চায়ত-জিলা পৰিষদৰ নিৰ্বাচনত কোনো ধৰণৰ মিত্ৰতা নকৰে বিজেপিয়ে। ২০২৬ চনৰ বিধানসভা নিৰ্বাচনত মিত্ৰতা কৰিব নে নকৰে সেই সন্দৰ্ভত পৰৱৰ্তী সময়ত সিদ্ধান্ত লোৱা হ’ব বুলি মন্তব্য প্ৰদান কৰে বিজেপিয়ে।
