সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
আজি অসমলৈ আহিব ষ্টাৰ কেম্পেইনাৰ তেজস্বী সূৰ্য। পূৱ গোৱালপাৰা আৰু দিছপুৰত নিৰ্বাচনী প্ৰচাৰ চলাব ভাৰতীয় বিজেপি যুৱ মৰ্চাৰ ৰাষ্ট্ৰীয় সভাপতি তেজস্বী সূৰ্যই।
ৰঙাপৰাত চাঞ্চল্যকৰ ডকাইতিকাণ্ড। মাৰণাস্ত্ৰ দেখুৱাই ৬ জনীয়া দুৰ্বৃত্তৰ দলে লুটি নিয়ে গহনাৰ বেগ। নীতিশ জুৱেলাৰীৰ স্বত্ত্বাধিকাৰী সন্তোষ সাহাক লুট ডকাইতৰ। ব্যৱসায়িক প্ৰতিষ্ঠানৰ পৰা ঘৰলৈ ওভতাৰ পথতে এই ঘটনা। মটৰচাইকেলত অহা দুৰ্বৃত্তৰ দলটোৰ আক্ৰমণত আহত সন্তোষ সাহা। ঘটনাস্থলীত ৰঙাপাৰা আৰক্ষী উপস্থিত হৈ আৰম্ভ কৰে তদন্ত। দুৰ্বৃত্তৰ দলটোক শীঘ্ৰেই আটক কৰি কঠোৰ ব্যৱস্থা গ্ৰহণৰ দাবী ৰাইজৰ।
গুৱাহাটীৰ গাড়ীগাঁও ঈদগাহ ময়দানত মুখ্যমন্ত্রীৰ হৈ প্ৰচাৰ চলায় পত্নী ৰিণিকি ভূঞা শৰ্মাই। মুখ্যমন্ত্রীয়ে বিপুল ভোটত জয়লাভ কৰিব বুলিও মন্তব্য পত্নীৰ। লগতে অসমৰ উন্নয়নৰ স্বাৰ্থত সকলো অসমবাসীকে বিজেপিৰ পক্ষত ভোটদান দিবলৈ আহ্বান।
হৰমুজ জলদ্বীপৰ পৰা ভাৰতৰ বাবে আন এক ভাল খবৰ আহিছে। ভাৰতৰ পতাকা থকা এল পি জি টেংকাৰ গ্ৰীণ ছানভিয়ে সফলতাৰে হৰমুজ জলদ্বীপ অতিক্ৰম কৰিছে। জাহাজখনে প্ৰায় ৪৪ হাজাৰ মেট্ৰিক টন এল পি জি কঢ়িয়াই লৈ ফুৰিছে। শুকুৰবাৰে এই টেংকাৰখনে হৰমুজ জলদ্বীপ অতিক্ৰম কৰি ৬ এপ্ৰিলৰ ভিতৰত মুম্বাইত উপস্থিত হোৱাৰ সম্ভাৱনা আছে।মাৰ্চ মাহত হৰমুজ জলদ্বীপ অতিক্ৰম কৰা এইখন সপ্তমখন ভাৰতীয় জাহাজ। ইৰাণৰ ক্লিয়াৰেন্সৰ অপেক্ষাত এতিয়াও হৰমুজত আবদ্ধ হৈ আছে ভাৰতৰ কেইবাখনো তেল আৰু গেছ জাহাজ।
