পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• কাইলৈ ৰাজ্যত বিধানসভা নিৰ্বাচনৰ ভোটগ্ৰহণ প্ৰক্ৰিয়া। ৰাজ্যৰ ৩১,৪৮৬ টা ভোটকেন্দ্ৰত ভোটদান কৰিব ২ কোটি ৫০ লাখ ৫৪ হাজাৰ ৪৬৩ গৰাকী ভোটাৰে। ভোটগ্ৰহণৰ বাবে সাজু নিৰ্বাচন আয়োগ।ভোটকেন্দ্ৰসমূহৰ সুৰক্ষাৰ বাবে মোতায়েন কৰা হৈছে কেন্দ্ৰীয় সশস্ত্ৰ আৰক্ষী বাহিনীৰ জোৱান।
• নিৰ্বাচনৰ পূৰ্বে বিপদত পৰিছে কংগ্ৰেছী নেতা। এইবাৰ মল্লিকাৰ্জুন খাৰ্গেৰ বিৰুদ্ধে দিয়া হৈছে গোচৰ। মল্লিকাৰ্জুন খাৰ্গেৰ বিৰুদ্ধে সাম্প্ৰদায়িক মন্তব্য কৰাৰ অভিযোগ।RSSৰ এগৰাকী নেতাই খাৰ্গেৰ বিৰুদ্ধে তৰিলে গোচৰ। RSS আৰু বিজেপিক লৈ আপত্তিজনক মন্তব্য কৰাৰ অভিযোগ উত্থাপন হৈছে এইগৰাকী কংগ্ৰেছ নেতাৰ বিৰুদ্ধে।
• বাংলাদেশী আগ্ৰাসন প্ৰতিৰোধৰ বাবে বিশেষ পদক্ষেপ। অনুপ্ৰৱেশ ৰুধিবলৈ সীমান্তৰ নদীত বিষাক্ত সাপ আৰু ঘঁৰিয়াল মেলা দিয়াৰ চিন্তা-চৰ্চা সীমান্ত সুৰক্ষা বাহিনীৰ। নদী পথেৰে অনুপ্ৰৱেশ ৰুধিবলৈ BSF-এ ল’ব এনে পদক্ষেপ। অপৰাধ হ্ৰাসৰ বাবেও সাপ-ঘঁৰিয়াল আদি সৰীসৃপৰ ব্যৱহাৰৰ পৰিকল্পনা।ইতিমধ্যে জন্তু ব্যৱহাৰৰ বিভিন্ন দিশ সন্দৰ্ভত নিৰীক্ষণ কৰিছে গৃহ মন্ত্ৰালয়ে।ভাৰত-বাংলাদেশ সীমান্তত অনুপ্ৰৱেশ আৰু চোৰাং ব্যৱসায় ৰোধ কৰাৰ বাবে এক অভিনৱ কৌশল বিবেচনা কৰা হৈছে।
• অৱশেষত যুদ্ধবিৰতিৰ বাবে সন্মত হ’ল আমেৰিকা আৰু ইৰান। ২ সপ্তাহৰ বাবে আমেৰিকা আৰু ইৰানৰ মাজত যুদ্ধবিৰতি। যাৰ বাবে ইৰানে আমেৰিকাক বান্ধি দিলে ১০ টা চৰ্ত। ইৰানৰ সকলো দাবী মানি লোৱা হব বুলি মন্তব্য কৰিছে ট্ৰাম্পে। ১০ এপ্ৰিলত ইছলামাবাদত অনুষ্ঠিত হ’ব ইৰান-আমেৰিকাৰ মাজৰ শান্তি আলোচনা।