বাংলাদেশৰ পৰিস্থিতি সন্দৰ্ভত দিল্লীত সৰ্বদলীয় বৈঠক সম্পন্ন। প্ৰধানমন্ত্ৰী নৰেন্দ্ৰ মোদীৰ অধ্যক্ষতাত পুৱা ১০ বজাত আৰম্ভ হোৱা বৈঠকখনত এছ জয়শংকৰ, ৰাজনাথ সিং, অমিত শ্বাহ, কিৰেন ৰিজিজু, ৰাহুল গান্ধী, টি আৰ বালু, লালন সিং, ৰামগোপাল যাদৱ, সুদীপ বন্দোপাধ্যায়, মিছা ভাৰতী, অৰবিন্দ সাৱন্ত, সুপ্ৰিয়া সুলে, ৰাম মোহনে অংশগ্ৰহণ কৰিছে।
বৈঠকত বৈদেশিক মন্ত্ৰী এছ এছ জয়শংকৰে বাংলাদেশৰ পৰিস্থিতি নিয়ন্ত্ৰণ কৰি থকা বুলি জনায়। আনহাতে, প্ৰধানমন্ত্ৰী মোদীয়ে বাংলাদেশৰ পৰিস্থিতি নিৰন্তৰ নিৰীক্ষণ কৰি থকা বুলি অৱগত কৰে।
ইফালে, ৰাষ্ট্ৰীয় নিৰাপত্তা উপদেষ্টা অজিত ডোভালে গাজিয়াবাদৰ হিন্দন বায়ু সেনাত প্ৰাক্তন প্ৰধানমন্ত্ৰী শ্বেখ হাছিনাক প্ৰায় ডেৰ ঘণ্টা ধৰি সাক্ষাৎ কৰে। বিএছএফৰ সূত্ৰ অনুসৰি, ভাৰত আৰু বাংলাদেশ সীমান্তৰ পৰিস্থিতি সম্পূৰ্ণ স্বাভাৱিক হৈছে। বিএছএফ বৰ্তমান সীমান্ত ৰক্ষী বাংলাদেশৰ সৈতে নিৰন্তৰ যোগাযোগত আছে। দুয়োফালৰ পৰা প্ৰয়োজনীয় তথ্যও বিনিময় কৰা হৈছে। সীমান্তৰ সকলো একত্ৰিত চেকপোষ্টৰ যান-বাহন সম্পূৰ্ণৰূপে বন্ধ কৰি দিয়া হৈছে।
