পুৱাৰ কেইটামান গুৰুত্বপূৰ্ণ খবৰেৰে আজিৰ দিনটো

সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।

• আজি ঘোষণা হ’ব HS পৰীক্ষাৰ ফলাফল। পৰীক্ষাৰ্থীয়ে কেইবাটাও ৱেৱছাইটযোগে ফলাফল চাব পাৰিব। ৩ লাখ ৩০হাজাৰ ৭৪৪গৰাকী পৰীক্ষাৰ্থী অৱতীৰ্ণ হৈছে এইবাৰৰ পৰীক্ষাত।কলা শাখাত অৱতীৰ্ণ হৈছে ২ লাখ ৪৭ হাজাৰ ৮৬৫গৰাকী পৰীক্ষাৰ্থী, বিজ্ঞান শাখাত মুঠ ৬১ হাজাৰ ৫৬৮গৰাকী পৰীক্ষাৰ্থী,বাণিজ্য শাখাত মুঠ ১৯ হাজাৰ ৮০৬গৰাকী পৰীক্ষাৰ্থী অৱতীৰ্ণ আৰু বৃত্তিমূলক শাখাত অৱতীৰ্ণ হৈছে ৬১৮ গৰাকী ছাত্ৰ।
• আজি ঘোষণা হ’ব HSৰ কলা, বিজ্ঞান, বাণিজ্য আৰু কাৰিকৰী শাখাৰ ফলাফল। ইয়াৰ বাবে প্ৰয়োজনীয় অধিসূচনা জাৰি ASSEBৰ। ১২ টা ৱেৱছাইটৰ লগতে upolobdha মোবাইল এপেৰেও উপলব্ধ হ’ব পৰীক্ষাৰ ফলাফল।
• পুনৰ অসমৰ যুৱকক বহিঃৰাজ্যত আক্ৰমণ। ৮ জনীয়া দুৰ্বৃত্তৰ দলে আক্ৰমণ কৰে শদিয়াৰ যুৱকক। কৰ্মৰ সন্ধানত অন্ধ্ৰপ্ৰদেশলৈ গৈছিল শদিয়াৰ যতীন গগৈ। ২৪ এপ্ৰিলত অন্ধ্ৰপ্ৰদেশৰ বিজয়ৱাড়া ৰে’ল ষ্টেচনত এই ঘটনা। ভৰিত গুৰুতৰভাৱে আঘাতপ্ৰাপ্ত যতীন গগৈ নামৰ যুৱকজন। অন্ধ্ৰপ্ৰদেশৰ এখন চিকিৎসালয়ত চিকিৎসাধীন হৈ আছে যুৱকজন।
• ইণ্ডোনেছিয়াত ভয়ানক ৰে’ল দুৰ্ঘটনা সংঘটিত হয়। ২খন ৰে’লৰ মাজত মুখামুখি সংঘৰ্ষৰ ফলতেই এই দুৰ্ঘটনা হয়। জাকাৰ্টাত এই ৰে’ল দুৰ্ঘটনাত নিহত হয় ৭ যাত্ৰী। আনহাতে আহত হৈছে প্ৰায় ৯০ গৰাকী যাত্ৰী। আহতসকলক ততাতৈয়াকৈ হাস্পতালত ভৰ্তি কৰোৱা হয়। দুৰ্ঘটনাস্থলীত বৰ্তমানেও উদ্ধাৰ অভিযান অব্যাহত।
• ইৰাণৰ সৈতে যুদ্ধত আমেৰিকাই কি লাভ কৰাৰ লক্ষ্য লৈছে সেই সম্পৰ্কে অনিশ্চয়তা অব্যাহত আছে। ২১ এপ্ৰিলৰ সময়সীমাৰ মাত্ৰ কেইঘণ্টামান পূৰ্বে ড’নাল্ড ট্ৰাম্পে একপক্ষীয়ভাৱে ইৰাণৰ সৈতে যুদ্ধবিৰতি বৃদ্ধি কৰে। এই মাহত দ্বিতীয়বাৰৰ বাবে ট্ৰাম্পে যুদ্ধবিৰতি ঘোষণা কৰিছে। ইয়াৰ পূৰ্বে ২০২৫ চনৰ ৭ এপ্ৰিলত ইৰাণৰ বাবে হৰমুজ জলদ্বীপ মুকলি কৰাৰ সময়সীমাৰ মাত্ৰ ৯০ মিনিট পূৰ্বে তেওঁ ১৫ দিনীয়া যুদ্ধবিৰতি ঘোষণা কৰিছিল।