সুপ্ৰভাত। দিনটোৰ আৰম্ভণিতেই কেইটামান গুৰুত্বপূৰ্ণ খবৰেৰে আৰম্ভ কৰিছো ৰাতিপুৱাৰ এই শিতানটো।
পুনৰ EVM-ত বিসংগতিৰ অভিযোগ। অহা ২১ মে’ত পুনৰ ২৮৫ টা কেন্দ্ৰত অনুষ্ঠিত কৰা হ’ব ভোটগ্ৰহণ আৰু ২৪ মে’ত হ’ব ভোটগণনা। পশ্চিমবংগৰ ফাল্টা বিধানসভা সমষ্টিত ২১ মে’ত পুনৰ হ’ব ভোটগ্ৰহণ। ২৪ মে’ত হ’ব ফাল্টা সমষ্টিৰ ভোটগণনা। ভোটগ্ৰহণৰ সময়ত ব্যাপক বেমেজালিৰ অভিযোগ উত্থাপন হৈছে।
মধ্যপ্ৰদেশৰ জব্বলপুৰৰ ভয়ংকৰ নাও দুৰ্ঘটনাক লৈ আজিও অব্যাহত আছে চাঞ্চল্য। সন্ধানহীনসকলক উদ্ধাৰৰ বাবে চতুৰ্থ দিনাও অভিযান চলিছে। নাও দুৰ্ঘটনাৰ পাছত পোহৰলৈ আহিছে কেতবোৰ বিস্ফোৰক তথ্য। প্ৰশাসনৰ য়েল্ল’ এলাৰ্ট থকা স্বত্ত্বেও নাও চলাচলৰ অনুমতি দিয়াক লৈ প্ৰশ্ন তুলিছে মৃতকৰ আত্মীয়ই।
দিল্লীৰ বিবেক বিহাৰত সংঘটিত হয় বিধ্বংসী অগ্নিকাণ্ড। ACৰ শ্বৰ্ট চাৰ্কিটৰ ফলত ব্যাপক হোৱা এই অগ্নিকাণ্ডৰ ফলত ৯ জন লোকৰ প্ৰাণহানি হয়। বিভিন্ন স্থানৰ পৰা উদ্ধাৰ কৰা হয় জ্বলি যোৱা মৃতদেহ। প্ৰথম মহলাত এটা, দ্বিতীয় মহলাত পাঁচটা আৰু তৃতীয় মহলাত তিনিটা মৃতদেহ উদ্ধাৰ কৰা হয়।
ইৰাণ বৰ্তমান তীব্ৰ অৰ্থনৈতিক আৰু সামৰিক হেঁচাত পৰিছে। হৰমুজ উপসাগৰ আৰু ওমান উপসাগৰৰ চাৰিওফালে আমেৰিকাৰ নৌসেনাৰ অৱৰোধে ইয়াৰ তেল ৰপ্তানিত যথেষ্ট প্ৰভাৱ পেলাইছে। এক প্ৰতিবেদন অনুসৰি এই কাৰ্য্যৰ ফলত ইৰাণৰ প্ৰায় ৪.৮ বিলিয়ন ডলাৰ খৰচ হৈছে। এই অৱৰোধে ইতিমধ্যে ভংগুৰ ইৰাণৰ অৰ্থনীতিক আৰু অধিক টান দিছে আৰু নিষেধাজ্ঞাৰ পৰা হাত সাৰিবলৈ গোপন চালান আৰু আঞ্চলিক সামুদ্ৰিক কৌশলৰ ওপৰত নিৰ্ভৰশীলতাও প্ৰদৰ্শন কৰিছে।
