পশ্চিমবংগত নৱনিৰ্বাচিত বিজেপি বিধায়িনী দলৰ বৈঠকৰ পিছত কেন্দ্ৰীয় পৰ্যবেক্ষক হিচাপে নিযুক্ত কেন্দ্ৰীয় গৃহমন্ত্ৰী অমিত শ্বাহে মুখ্যমন্ত্ৰীৰ পদৰ বাবে শুভেন্দু অধিকাৰীৰ নাম ঘোষণা কৰে। ভৱানীপুৰ বিধানসভাৰ আসনত তৃণমূল কংগ্ৰেছৰ মুৰব্বী মমতা বেনাৰ্জীক পৰাস্ত কৰা বিজেপি নেতা শুভেন্দু অধিকাৰীয়ে এতিয়া বংগত ক্ষমতা দখল কৰিব।
ইফালে বাংলাদেশৰ প্ৰাক্তন প্ৰধানমন্ত্ৰী তথা আৱামী লীগৰ মুৰব্বী শ্বেখ হাচিনাই পশ্চিম বংগ বিধানসভা নিৰ্বাচনত ভাৰতীয় জনতা পাৰ্টীৰ ঐতিহাসিক বিজয়ৰ বাবে অভিনন্দন জ্ঞাপন কৰে।পশ্চিম বংগ বিধানসভাৰ নিৰ্বাচনত বিজয়ী সকলোকে আন্তৰিক অভিনন্দন জ্ঞাপন কৰে। পশ্চিম বংগ আৰু ভাৰতৰ বাবেও সফলতা আৰু সমৃদ্ধিৰ কামনা কৰে। বাংলাদেশৰ প্ৰাক্তন প্ৰধানমন্ত্ৰীগৰাকীৰ এই বক্তব্য এনে সময়তে ভাৰতীয় জনতা পাৰ্টিয়ে পশ্চিম বংগত বিজয়ৰ পিছত ৰাজ্যখনৰ মুখ্যমন্ত্ৰীৰ নাম ঘোষণা কৰিছে।
ভাৰতীয় জনতা পাৰ্টিৰ নেত্ৰী অগ্নিমিত্ৰ পলে বংগত বিজেপি বিধানসভা পাৰ্টিৰ বৈঠকত মুখ্যমন্ত্ৰী পদৰ বাবে শুভেন্দু অধিকাৰীৰ নাম ঘোষণা কৰি কয় যে বিগত ৫০ বছৰত বংগই বহু সুবিধাৰ পৰা বঞ্চিত হৈ আছে, কিন্তু বংগক সকলোখিনি দিব আৰু বংগত প্ৰথমে আইন-শৃংখলা আৰু মহিলাক সন্মান দিব।
তেওঁ কয় যে, বংগত মা দুৰ্গা আৰু মা কালীক পূজা কৰা হয়, কিন্তু মা দুৰ্গা আৰু মা কালীক প্ৰকৃতাৰ্থত তেতিয়াহে সন্মান কৰা হ’ব, যেতিয়া নাৰীক সন্মান দিয়া হ’ব।
