দিল্লী আৰক্ষীৰ বৃহৎ সফলতা। স্বাধীনতা দিৱসৰ পূৰ্বে মষ্ট ৱানটেড আইছিছ সন্ত্ৰাসবাদীক গ্ৰেপ্তাৰ।
গ্ৰেপ্তাৰ কৰা সন্ত্ৰাসবাদীজন আইছিছ মডিউলৰ ৰিজৱান আলী বুলি চিনাক্ত কৰিছে।
উল্লেখ্য যে, তদন্তকাৰী সংস্থা NIA ই তেওঁৰ নামত ৩ লাখ টকাৰ পুৰস্কাৰ ঘোষণা কৰিছিল। ৰিজৱান আলী নতুন দিল্লীৰ দৰয়াগঞ্জ জিলাৰ বাসিন্দা আছিল।
বৰ্তমান দিল্লী আৰক্ষীৰ স্পেচিয়েল শাখাই তদন্ত অব্যাহত ৰাখিছে। ২০১৮ চনতেই আৰক্ষীয়ে গ্ৰেপ্তাৰ কৰিছিল ৰিজৱানক। অৱশ্যে, সোধাপোচাৰ পাছতেই আৰক্ষীৰ চকুত ধূলি দি পলায়ন কৰিছিল অপৰাধীটোৱে।
জানিব পৰা তথ্য অনুসৰি, ৰিজৱান মহাৰাষ্ট্ৰৰ পুনেৰ আইছিছৰ মণ্ডলৰ সৈতে জড়িত আছিল। পুনে পুলিচৰ হাতৰ পৰা পলায়ন কৰাৰ পাছতেই বহু সময় ধৰি আত্মগোপন কৰি আছিল সন্ত্ৰাসবাদীটোৱে।
অৱশ্যে, তেওঁক গ্ৰেপ্তাৰৰ সময়ত বহুতো অস্ত্ৰ-শস্ত্ৰৰ আৰু লগতে আপত্তিজনক সামগ্ৰী উদ্ধাৰ কৰা হৈছে। আৰক্ষীয়ে দিয়া তথ্য অনুসৰি, সন্ত্ৰাসবাদীটোৱে দিল্লী আৰু মুম্বাইত কেইবাটাও বৃহৎ কূটাঘাটৰ পৰিকল্পনা কৰিছিল।
NIA ই পূৰ্ৱেই ৰিজৱান আলী সহ ১১ জন লোকৰ ওপৰত চাৰ্জশ্বীট দাখিল কৰিছিল। এই চাৰ্জশ্বীটত মহাৰাষ্ট্ৰৰ পুনে জিলাত আইছিছৰ অবৈধ মাৰণাষ্ট্ৰ, বিস্ফোৰক আৰু ৰাসায়নিক সামগ্ৰী সৰবৰাহৰ আৰোপৰ বিষয়ে উল্লেখ কৰা হৈছিল।
