হাৰিয়ানা চৰকাৰে ২০২৪ চনৰ বিধানসভা নিৰ্বাচনৰ পূৰ্বে ৰাম ৰহিমক কাৰাগাৰৰ পৰা অস্থায়ী মঞ্জুৰৰ অনুমতি দিছে। ৰাম ৰহিমক ২১ দিনৰ বাবে কাৰাগাৰৰ পৰা ওলাই আহিবলৈ অনুমতি প্ৰদান কৰিছে।
মঙলবাৰে ৰাম ৰহিমক ৰোহতকৰ সুনাৰিয়া কাৰাগাৰৰ পৰা মুকলি কৰা হয়। তাৎপৰ্যপূৰ্ণভাৱে ৰাম ৰহিমক অস্থায়ী পেৰোল দিবলৈ এখন আবেদন দাখিল কৰা হৈছিল আৰু আদালতে চৰকাৰক ইয়াৰ ওপৰত সিদ্ধান্ত ল’বলৈ কৈছিল।
উচ্চ ন্যায়ালয়ৰ দ্বাৰা আৱেদনৰ নিষ্পত্তি হোৱাৰ পিছত ৰাম ৰহিমে এতিয়া ২১ দিনৰ পোৰোল লাভ কৰিছে। ৰাম ৰহিমে মঙলবাৰে ৰাতিপুৱা কাৰাগাৰৰ পৰা ওলাই আহিছিল।
উল্লেখ্য যে, ৰাম ৰহিমক পেৰোল আৰু ফাৰ্লো দিয়াক লৈ প্ৰায়ে বিবাদ হয় আৰু চৰকাৰৰ বিৰুদ্ধে অভিযোগ কৰা হয় যে, চৰকাৰে ৰাজনৈতিক সুবিধা ল’বলৈ ৰাম ৰহিমক পেৰোল দিয়ে।
ইয়াৰ পূৰ্বেও ৰাম ৰহিমে বহুকেইবাৰ পেৰোল লাভ কৰিছিল।
অক্টোবৰ ২৪, ২০২০-১ দিনৰ পেৰোল।
মে’ ২১, ২০২১-১ দিনৰ পেৰোল।
অক্টোবৰ ২০২২- ৪০ দিনৰ পেৰোল।
জুন ২০২২- ১ মাহৰ পেৰোল।
ফেব্ৰুৱাৰী ৭, ২০২২- ২১ দিনৰ পেৰোল।
জানুৱাৰী ২১, ২০২৩- ৪০ দিনৰ পেৰোল।
জুলাই ২০, ২০২৩-৩০ দিনৰ পেৰোল।
নৱেম্বৰ ২০২৩- ২১ দিনৰ পেৰোল।
জানুৱাৰী ১৯, ২০২৪ – ৫০ দিনৰ বাবে পেৰোল, পিছত ১০ দিনলৈ বৃদ্ধি কৰা হয়।
এতিয়া ১২ আগষ্টত, পুনৰ ২১ দিনৰ ফাৰ্লো দিয়া হৈছে।
তাৎপৰ্যপূৰ্ণভাৱে ৰাম ৰহিমে ২ টা পৃথক গোচৰত শাস্তি ভোগ কৰি আছে। ৰাম ৰহিমক ২০১৯ চনৰ ১৭ জানুৱাৰী আৰু ১৮ অক্টোবৰ ২০২১ তাৰিখে আজীৱন কাৰাদণ্ড দিয়া হৈছিল।
উল্লেখ্য যে, ৰাম ৰহিমে দুজন মহিলাক ধৰ্ষণ কৰাৰ বাবে ২০ বছৰৰ কাৰাদণ্ড ভোগ কৰি আছে। একে সময়তে, ৰাম ৰহিম সাংবাদিক হত্যাৰ গোচৰতো কাৰাবন্দী হৈ আছে।
