ধৰ্মৰ ভিত্তিত ভাৰতৰ পৰা পৃথক হোৱা পাকিস্তানেও ১৯৪৭ চনৰ ১৫ আগষ্টত স্বাধীনতা লাভ কৰে। অৱশ্যে, পাকিস্তানে ১৪ আগষ্টত তেওঁলোকৰ স্বাধীনতা দিৱস উদযাপন কৰে। পাকিস্তানত স্বাধীনতা দিৱস কেনেদৰে উদযাপন কৰা হয় আৰু ই ভাৰতৰ পৰা কিমান পৃথক সেয়া আমি জানো আহক?
ব্ৰিটিছৰ বিৰুদ্ধে দীঘলীয়া যুঁজ দিয়াৰ পাছত, যেতিয়া ভাৰতে অৱশেষত স্বাধীনতা লাভ কৰিছিল, তেতিয়া ই বিভাজনৰ সন্মুখীন হ’ব লগা হৈছিল আৰু ইয়াৰ পাছতেই এখন নতুন দেশ, পাকিস্তানৰ জন্ম হৈছিল। ধৰ্মৰ ভিত্তিত ভাৰতৰ পৰা পৃথক হোৱা এই দেশখনে ১৯৪৭ চনৰ ১৫ আগষ্টত স্বাধীনতা লাভ কৰিছিল। অৱশ্যে, পাকিস্তানে ১৪ আগষ্টত ইয়াৰ স্বাধীনতা দিৱস উদযাপন কৰে।
পাকিস্তানত স্বাধীনতা দিৱস কেনেদৰে উদযাপন কৰা হয়?
ভাৰত আৰু পাকিস্তানত স্বাধীনতা দিৱস উদযাপনৰ মাজত বিশেষ পাৰ্থক্য নাই। আগষ্ট মাহৰ আৰম্ভণিৰ লগে লগে সমগ্ৰ পাকিস্তানতে ৰাষ্ট্ৰীয় পতাকা, বেনাৰ, পোষ্টাৰ আৰু বেজ আদিৰ বিক্ৰী আৰম্ভ হয়। বাহন, ব্যক্তিগত ভৱন এই সকলোবোৰ ৰাষ্ট্ৰীয় পতাকা, মমবাতি আদিৰে সজোৱা হয়।
পাকিস্তানৰ স্বাধীনতা দিৱস উদযাপন সমগ্ৰ দেশৰ মছজিদ আৰু অন্যান্য ধৰ্মীয় স্থানত দেশৰ প্ৰগতিৰ বাবে বিশেষ প্ৰাৰ্থনাৰে আৰম্ভ হয়। এই দিনটোত সমগ্ৰ দেশতেই ৰাজহুৱা বন্ধ দিয়া হয়। এই দিনটোত সমগ্ৰ দেশতে উদযাপনৰ আয়োজন কৰা হয়। ৰাজ্য চৰকাৰ আৰু সাধাৰণ মানুহৰ স্থানীয় সংস্থাসমূহে এই অনুষ্ঠান উদযাপন কৰে।
কৰাচীৰ মাজাৰ-ই-কায়েদ বা জিন্না সংগ্ৰহালয়, শ্বাহৰাহ-ই-ফৈজল, শ্বাহৰাহ-ই-কাইদেন আৰু মাজাৰ-ই-কায়েদ ৰোডৰ দৰে সকলো মুখ্য পথত ৰাষ্ট্ৰীয় পতাকা উত্তোলন কৰা হয়। পাকিস্তানৰ ৰাষ্ট্ৰীয় পতাকা; চৰকাৰী, ব্যক্তিগত প্ৰতিষ্ঠানৰ পৰা আদি কৰি বিদ্যালয়, মহাবিদ্যালয় তথা সকলো ঠাইতে উত্তোলন কৰা হয়।
মূল অনুষ্ঠানটো পাকিস্তানৰ ৰাজধানী ইছলামাবাদত অনুষ্ঠিত হয়। সংসদ ভৱন আৰু ৰাষ্ট্ৰপতি সদনত পাকিস্তানৰ ৰাষ্ট্ৰীয় পতাকা উত্তোলন কৰা হয়। ইয়াত পতাকাখনক ৩১ টা বন্দুকৰ টোপেৰে অভিবাদন জনোৱা হয়, আনহাতে সকলো ৰাজ্যৰ ৰাজধানীসমূহত অনুষ্ঠিত অনুষ্ঠানত ২১ টা বন্দুকৰ টোপেৰে পাকিস্তানৰ পতাকাক অভিবাদন জনোৱা হয়।
স্বাধীনতা দিৱসৰ এই পেৰেড দেশৰ সামৰিক সেনা, বায়ু সেনা আৰু নৌসেনাই আয়োজন কৰে। ইয়াত পাকিস্তানৰ ৰাষ্ট্ৰীয় সংগীত পৰিবেশন কৰা হয়। এই অনুষ্ঠানত দেশৰ ৰাষ্ট্ৰপতি আৰু প্ৰধানমন্ত্ৰীয়ে দেশখনক সম্বোধন কৰি ভাষণ আগবঢ়ায়। পাকিস্তানৰ ৰাষ্ট্ৰপতি আৰু প্ৰধানমন্ত্ৰীয়ে তেওঁলোকৰ দেশৰ জনসাধাৰণক সম্বোধন কৰে, যিটো পোনপটীয়াকৈ সম্প্ৰচাৰ কৰা হয়। ইয়াৰ উপৰিও, চৰকাৰী বিষয়া, ৰাজনীতিবিদ আৰু অন্যান্য ব্যক্তিসকলে বিভিন্ন স্থানত অনুষ্ঠিত উদযাপনত পতাকা উত্তোলন কৰে।
পাকিস্তানৰ সকলো চৰকাৰী ভৱন, বিশেষকৈ সংসদ ভৱন, উচ্চতম ন্যায়ালয়, ৰাষ্ট্ৰপতি সদন আৰু প্ৰধানমন্ত্ৰীৰ সচিবালয় আদি স্বাধীনতা দিৱস উদযাপনৰ বাবে সজোৱা হয়। ১৯৪০ চনত পাকিস্তানৰ প্ৰস্তাৱ গৃহীত হোৱা লাহোৰৰ মিনাৰ-ই-পাকিস্তানক স্বাধীনতা দিৱসৰ প্ৰাকমুহূৰ্তত পাকিস্তান সৃষ্টিত ইয়াৰ ভূমিকা দেখুওৱাৰ বাবে পোহৰেৰে আলোকিত কৰা হয়।
ৰাষ্ট্ৰীয় চিহ্নত সশস্ত্ৰ বাহিনীৰ দ্বাৰা গাৰ্ড পৰিৱৰ্তনৰো আয়োজন কৰা হয়। এই দিনটোত, পাকিস্তানৰ সৈতে আন্তঃৰাষ্ট্ৰীয় সীমাত নিয়োজিত অৰ্ধসামৰিক কৰ্মীসকলে সকলো সৈনিককেই মিঠাই খুৱায়। পাকিস্তানত স্বাধীনতা দিৱস উদযাপনত অংশগ্ৰহণ কৰা সাধাৰণ লোকসকলক সাধাৰণতে এই দিনটোত সেউজীয়া আৰু বগা কাপোৰত দেখা যায়, যি হৈছে পাকিস্তানৰ চৰকাৰী ৰং।
১৪ আগষ্টত কিয় পাকিস্তানত স্বাধীনতা দিৱস উদযাপন কৰা হয়?
একেদিনাই ভাৰত-পাকিস্তান স্বাধীন হোৱা স্বত্বেও, দুটা বেলেগ দিনত দুয়োখন দেশৰ স্বাধীনতা দিৱস উদযাপন কৰা হয়। ইয়াৰ কাৰণ হৈছে- কিছুমান বিশেষজ্ঞই বিশ্বাস কৰে যে পাকিস্তানক ১৪ আগষ্টত এখন স্বাধীন দেশ হিচাপে অনুমোদন জনোৱা হৈছিল। সেয়েহে, ১৪ আগষ্টৰ দিনটোত পাকিস্তানত স্বাধীনতা উৎসৱ উদযাপন কৰা হয়।
এটা কথা এইটোও কোৱা হয় যে, ১৯৪৭ চনৰ তেতিয়াৰ ভাইচৰয় লৰ্ড মাউণ্টবেটেন ব্ৰিটিছ চৰকাৰৰ প্ৰতিনিধি আছিল। একেদিনাই দিল্লী আৰু কৰাচীত একেলগে উপস্থিত থকাটো তেওঁৰ বাবে সম্ভৱপৰ নাছিল। সেইকাৰণে তেওঁ ১৪ আগষ্টততেই পাকিস্তানলৈ ক্ষমতা হস্তান্তৰ কৰিছিল।
ইয়াৰ আন এটা গুৰুত্বপূৰ্ণ কাৰণ হৈছে, দুয়োখন দেশৰ গড় সময়। ভাৰতৰ মান সময় পাকিস্তানৰ মানক সময়তকৈ ৩০ মিনিট আগবঢ়া। সেয়েহে এনে পৰিস্থিতিত, কোৱা হয় যে যিহেতু ব্ৰিটিছে ভাৰতত ভাৰতীয় স্বাধীনতা আইনত স্বাক্ষৰ কৰিছিল আৰু তেতিয়া সময় নিশা ১২ হৈছিল, অৰ্থাৎ ভাৰতত নতুন দিন আৰম্ভ হৈছিল, কিন্তু পাকিস্তানত, ১৪ আগষ্ট নিশা ১১:৩০ হৈ আছিল। সেয়েহে ১৪ আগষ্টতেই পাকিস্তানত স্বাধীনতা পালন কৰা হয়।
