ৰঙিয়াত অনুষ্ঠিত হয় সদৌ অসম ৰেলৱে হকাৰ সন্থাৰ বাৰ্ষিক অধিৱেশন। এই অধিবেশনত সমগ্ৰ অসমৰ পৰা প্ৰায় পাঁচ শতাধিক প্ৰতিনিধি সমবেত হয়।
এই সভাত উপস্থিত থাকে ৰঙিয়াৰ বিধায়ক তথা ৰাজ্যিক বিজেপিৰ সভাপতি ভৱেশ কলিতা। লগতে মুখ্যমন্ত্ৰীৰ বিশেষ কৰ্তব্যৰত বিষয়া আশুতোষ, শ্ৰম বিভাগৰ বিষয়া পংকজ পাঠক, ৰঙিয়া পৌৰসভাৰ পৌৰপতি অমৰেন্দ্ৰ লহকৰ, সুৱল পাল সহ বহু কেইগৰাকী বিশিষ্ট ব্যক্তি উপস্থিত থাকে।
বিভিন্ন সময়ত হকাৰ সকলে সন্মুখীন হৈ অহা সমস্যা সমূ্হৰ বিষয়ে এই সভাত আলোচনা কৰা হয়। তেওঁলোকে ৰেলত ব্যৱসায়ৰ ক্ষেত্ৰত ৰেল সুৰক্ষা বাহিনীৰ পৰা বিভিন্নধৰণৰ হাৰাশাস্তিৰ সন্মুখীন হয় বুলি দাবী উত্থাপন কৰে।
ইফালে এই ক্ষুদ্ৰ ব্যৱসায়ীসকলে যিবোৰ দাবী উত্থাপন কৰিছে সেইসমূহ বিভাগীয় ভাৱে সমাধানৰ ব্যৱস্থা কৰা হ’ব বুলি ৰাজ্যিক বিজেপিৰ সভাপতি ভৱেশ কলিতাই উল্লেখ কৰে।
