কলকাতাৰ চৰকাৰী আৰ জি কৰ চিকিৎসালয়ত এগৰাকী মহিলা চিকিৎসকক ধৰ্ষণ আৰু হত্যাৰ ঘটনাই দেশজুৰি ক্ষোভৰ সৃষ্টি কৰিছে।
এই হত্যাকাণ্ডৰ মূল অভিযুক্ত সঞ্জয় ৰয়ক গ্ৰেপ্তাৰ কৰা হৈছে কিন্তু এতিয়াও এই গোচৰটোৰ বিষয়ে বহুতো প্ৰশ্ন জড়িত হৈ আছে। এই প্ৰশ্নবোৰৰ উত্তৰ বিচাৰিবলৈ চিবিআইয়ে আৰ জি কৰ চিকিৎসা মহাবিদ্যালয় আৰু চিকিৎসালয়ৰ অধ্যক্ষ হিচাপে চিনাক্ত কৰা চিকিৎসক আৰু মহিলা চিকিৎসকক সোধা-পোছা কৰি আছে।
ছ’চিয়েল মিডিয়াত দাবী কৰা হৈছে যে, মহিলা চিকিৎসকগৰাকীক সঞ্জয় ৰয়ে হত্যা কৰা নাছিল। আৰ জি কৰ চিকিৎসালয়ৰ ৭ জন প্ৰশিক্ষাৰ্থীক চিকিৎসকে হত্যা কৰিছিল।
ইফালে, ঘটনা সন্দৰ্ভত সমাজকৰ্মী মধু কিশ্বৰে এক্সত লিখিছে, আৰ জি কৰ মেডিকেল কলেজ চিকিৎসালয়ত চিকিৎসক হিচাপে কাম কৰা এগৰাকী মহিলা আৰু তেওঁৰ বন্ধুৰ মাজত হোৱা বাৰ্তালাপত এই দাবী কৰা হৈছে।
অভিযোগ অনুসৰি, চিকিৎসকগৰাকীক বিগত ৬ মাহৰ পৰা মানসিকভাৱে হাৰাশাস্তি কৰি অহা হৈছে। আনকি ৩৬ ঘন্টাৰ বাবে নিশাৰ শ্বিফ্টত ৰখা হৈছে।
অভিযোগ অনুসৰি, অভিশপ্ত দিনটোৰ নিশা ২০২৪ চনৰ ৯ আগষ্টত গোটেই দলটোৱে তেওঁৰ বিৰুদ্ধে এই ষড়যন্ত্ৰ ৰচনা কৰিছিল।
চিকিৎসকজনে দাবী কৰিছিল যে, ঘটনাটোৰ পূৰ্বে চাৰিজন সহপাঠীয়ে তেওঁৰ সৈতে চেমিনাৰ কোঠাত ৰাতিৰ আহাৰ গ্ৰহণ কৰিছিল। তাৰ পিছত প্ৰায় সাতজনীয়া এটা দলে তললৈ গৈ সুৰাপান কৰিছিল, প্ৰথমে তাইৰ হাত জোৰেৰে ধৰিছিল আৰু তাইক প্ৰহাৰ কৰি ধৰ্ষণ কৰিছিল। এই ঘটনাত মহিলা ইণ্টাৰ্নেও সমৰ্থন কৰিছিল আৰু সহায় কৰিছিল।
