ঘৰুৱা আৰু আন্তঃৰাষ্ট্ৰীয় ক্ৰিকেটৰ পৰা অৱসৰৰ কথা ঘোষণা কৰে ক্ৰিকেটাৰ শিখৰ ধাৱানে।সামাজিক মাধ্যমৰ জৰিয়তে এই বাতৰি আগবঢ়ায় খেলুৱৈগৰাকীয়ে। ২৪ আগষ্ট শনিবাৰে পুৱা তেওঁ এটা ভিডিঅ’ শ্বেয়াৰ কৰে, য’ত তেওঁ অৱসৰ ঘোষণা কৰে লগতে তেওঁ নিজৰ সকলো অনুৰাগীকে ধন্যবাদ জনায়।
ক্ৰিকেটক বিদায় জনাই ধাৱানে বিশেষকৈ তেওঁৰ পৰিয়াল, শৈশৱৰ প্ৰশিক্ষক, টীম ইণ্ডিয়া আৰু বিচিচিআইক ধন্যবাদ জ্ঞাপন কৰে। ধাৱানে ২০২২ চনৰ ১০ ডিচেম্বৰত চিটাগঙত বাংলাদেশৰ বিৰুদ্ধে আন্তঃৰাষ্ট্ৰীয় ক্ৰিকেটত তেওঁ অন্তিমখন খেল খেলিছিল। এই খেলখনত, তেওঁ মাত্ৰ ৩ ৰাণ হে সংগ্ৰহ কৰিবলৈ সক্ষম হৈছিল।
২০১০ চনত অষ্ট্ৰেলিয়াৰ বিৰুদ্ধে এখন আন্তঃৰাষ্ট্ৰীয় এদিনীয়া খেলত পঞ্চম স্থানত আত্মপ্ৰকাশ কৰিছিল ক্ৰিকেটাৰ শিখৰ ধাৱানে। বিশাখাপত্তনমত খেলা তেওঁৰ অভিষেক খেলখনৰ আৰম্ভণি ভাল নাছিল। এই খেলত তেওঁ ৰাণ নকৰাকৈ ইনিংছৰ দ্বিতীয় বলত আউট হয়।
ইয়াৰ পিছত, ২০১১ চনত, তেওঁ টি-২০ আন্তৰাষ্ট্ৰীয় ক্ৰিকেটত ৱেষ্ট ইণ্ডিজৰ বিৰুদ্ধে আত্মপ্ৰকাশ কৰে। একে সময়তে, তেওঁ ২০১৩ চনত অষ্ট্ৰেলিয়াৰ বিৰুদ্ধে টেষ্ট মেচত অভিষেক কৰে। এই টেষ্ট অভিষেকত, ধাৱানে ১৮৭ ৰাণৰ এক উজ্জ্বল ইনিংছ খেলে।
সুদীৰ্ঘ ১৪ বছৰৰ পিছত, তেওঁ বৰ্তমান এই ক্ৰিকেটৰ যাত্ৰাৰ পৰা অৱসৰ লোৱাৰ কথা ঘোষণা কৰে। অৱসৰ লোৱাৰ সময়ত কয় যে, নিজৰ সিদ্ধান্তক লৈ তেওঁ সুখী, দেশৰ কাৰণে তেওঁ ইতিমধ্যে যথেষ্ট খেলিছে, গতিকে ইয়াক লৈ তেওঁ কোনো অনুশোচনা নকৰে।
ভাৰতৰ হৈ খেলি থাকোতে ধাৱানৰ কেৰিয়াৰ অতি দৰ্শনীয় আছিল। তেওঁ টীম ইণ্ডিয়াৰ হৈ একাধিক ইনিংছ খেলিছিল। ২০১৩ চনৰ চেম্পিয়নছ ট্ৰফী বিজয়ত তেওঁ অতি গুৰুত্বপূৰ্ণ অৱদানকাৰী আছিল। তেওঁ প্লেয়াৰ অফ দ্য টুৰ্ণামেণ্ট নিৰ্বাচিত হৈছিল। ধাৱানে ভাৰতৰ হৈ মুঠ ২৬৯ খন মেচ খেলিছিল, য’ত তেওঁ ১০৮৬৭ ৰাণ সংগ্ৰহ কৰিছিল।
ধাৱানে টেষ্টত ৩৪ খন মেচ খেলিছিল, ৫৮ টা ইনিংছত ৪০.৬১ গড়ত সৰ্বমুঠ ২৩১৫ ৰাণ সংগ্ৰহ কৰে। একে সময়তে, তেওঁ ১৬৭ খন এদিনীয়াত ৪৪.১১ গড়ে ৬৭৯৩ ৰাণ আৰু ৬৮ খন টি-২০ মেচত ১৭৫৯ ৰাণ সংগ্ৰহ কৰে।
ধাৱানে তেওঁৰ আন্তঃৰাষ্ট্ৰীয় কেৰিয়াৰত ২৪ টা শতক আৰু ৫৫ টা অৰ্ধ-শতক অৰ্জন কৰে। এদিনীয়াত, তেওঁৰ ১৭ টা শতক আৰু ৩৯ টা অৰ্ধ-শতক অৰ্জন কৰে। একে সময়তে, তেওঁ টেষ্টত ৭ টা শতক আৰু ৫ টা অৰ্ধ-শতক অৰ্জন কৰে। ধাৱানে টি-২০ত ১১ টা অৰ্ধশতক অৰ্জন কৰিবলৈ সক্ষম হৈছিল।
