বিশ্বৰ ধনী ব্যক্তিৰ তালিকাত নাম আছে কেইবাগৰাকী বলীউদ অভিনেতা-অভিনেত্ৰী তথা পৰিচালকৰ। শেহতীয়াকৈ হুৰুন ইণ্ডিয়া ৰিচ লিষ্ট ২০২৪ ত এই তথ্য প্ৰকাশ পাইছে।
সংস্থাটোৱে প্ৰকাশ পোৱা তালিকাত শ্বাহৰুখ খান, জুহি চাওলা, হৃত্বিক ৰোশন, অমিতাভ বচ্চন আৰু কৰণ জোহৰৰ নাম অন্তৰ্ভুক্ত হৈছে।
হুৰুন ইণ্ডিয়া ৰিচ লিষ্ট অনুসৰি, শ্বাহৰুখ খান হৈছে মুঠ ৭৩০০ কোটি টকাৰ মুঠ সম্পত্তিৰ সৈতে বলীউডৰ আটাইতকৈ ধনী ব্যক্তি।
লক্ষ্যণীয় কথাটো হ’ল যে, বাদশ্বাহৰ পিছত জুহি চাওলাৰ নাম ধনী সকলৰ তালিকাত আছে। এক দশকতকৈ অধিক সময় ধৰি কোনো হিট ছবি দিয়া নাই বা কোনো ডাঙৰ অনুষ্ঠান বা শৃংখলাৰ অংশ নোহোৱা জুহি চাওলাৰ নাম কেনেকৈ আহিল তাক লৈ চিন্তিত হৈছে বহুলোক। হুৰুন ৰিচ লিষ্টৰ মতে, জুহি চাওলাৰ মুঠ মূল্য হৈছে ৪৬০০ কোটি টকা।
দৰাচলতে ১০০০ কোটি টকাৰ অধিক সম্পত্তি থকা ভাৰতীয়সকলক হুৰুন ইণ্ডিয়া ৰিচ লিষ্ট ২০২৪ ত অন্তৰ্ভুক্ত কৰা হৈছে। জুহি চাওলা শ্বাহৰুখ খানৰ ব্যৱসায়িক অংশীদাৰ। জুহি চলচ্চিত্ৰ নিৰ্মাণত শ্বাহৰুখৰ অংশীদাৰ আছিল প্ৰথমে ড্ৰীমছ আনলিমিটেডৰ সৈতে আৰু এতিয়া ৰেড চিলিজ এণ্টাৰটেইনমেণ্টৰ সৈতে। ৰেড চিলিজ এণ্টাৰটেইনমেণ্ট কলকাতা নাইট ৰাইডাৰ্ছৰ গৰাকী।
মালাবাৰ পাহাৰৰ এটা বিলাসী ঘৰ
জুহি চাওলাই স্বামী জয় মেহতা আৰু দুটা সন্তানৰ সৈতে মুম্বাইৰ মালাবাৰ পাহাৰ অঞ্চলত অৱস্থিত এটা বিলাসী ঘৰত বাস কৰে। জুহি চাওলাই এখন চলচ্চিত্ৰৰ বাবে প্ৰায় ১ কোটি টকা মাচুল লয়। চলচ্চিত্ৰৰ উপৰিও তেওঁ ব্ৰেণ্ড এণ্ডোৰ্চমেণ্টৰ পৰাও যথেষ্ট উপাৰ্জন কৰে। জুহি চাওলাৰ ওচৰত ব্যয়বহুল গাড়ীৰ কালেকচন আছে, যাৰ ভিতৰত আছে ১.১১ কোটি টকাৰ জাগুয়াৰ এক্সজেএল আৰু প্ৰায় ৭৮ লাখ টকাৰ অডি কিউ৭।
জুহিৰ স্বামী এজন ব্যৱসায়ী
জুহি চাওলাৰ স্বামী জয় মেহতা এজন প্ৰতিষ্ঠিত ভাৰতীয় ব্যৱসায়ী আৰু মেহতা গোটৰ মুৰব্বী। হীৰা, ৰিয়েল ইষ্টেট, মিডিয়া আৰু মনোৰঞ্জনৰ দৰে বিভিন্ন ক্ষেত্ৰত সক্ৰিয়। মেহতা গ্ৰুপ হৈছে এক বহুজাতিক কোম্পানী যি চিমেণ্ট, পেকেজিং, চেনী, উদ্যান শস্যৰ দৰে খণ্ডত কাম কৰে। জয় মেহতাৰ মুঠ সম্পত্তি ১,০০০ ৰ পৰা ২,৪০০ কোটি টকাৰ ভিতৰত বুলি প্ৰকাশ পাইছে।
উল্লেখ্য যে, জয় মেহতাৰ জন্ম হৈছিল ১৯৬১ চনত। তেওঁ কলম্বিয়া বিশ্ববিদ্যালয়ৰ পৰা স্নাতক ডিগ্ৰী লাভ কৰে আৰু চুইজাৰলেণ্ডৰ ইণ্টাৰনেচনেল ইনষ্টিটিউট ফৰ মেনেজমেণ্ট ডেভেলপমেণ্টৰ পৰা এমবিএ ডিগ্ৰী লাভ কৰে।
