বৃহস্পতিবাৰে নিশা লক্ষ্ণৌ-মাহমুদাবাদ পথৰ বদ্দুপুৰ অঞ্চলৰ ইনাইতাপুৰ গাঁৱৰ সমীপত দুখন চাৰিচকীয়া বাহন আৰু এখন অটোৰ মাজত হোৱা সংঘৰ্ষত ৫জন লোকৰ মৃত্যু হোৱাৰ লগতে তিনিজন গুৰুতৰভাৱে আহত হয়।
এই ঘটনা সংঘটিত হোৱাৰ পিছতে প্ৰশাসনৰ শীৰ্ষ পৰ্যায়ৰ বিষয়া ঘটনাস্থলত উপস্থিত হৈ গভীৰ নিশালৈ উদ্ধাৰ কাৰ্য অব্যাহত ৰাখে।
আৰক্ষীয়ে জানিব দিয়া অনুসৰি, নিশা প্ৰায় ১০.৪০ বজাত ফতেহপুৰৰ পৰা লক্ষ্ণৌ অভিমুখে গৈ থকা এখন তীব্ৰবেগী গাড়ীয়ে প্ৰথমে এখন অটোত খুন্দা মৰাৰ পিছত সন্মুখৰ পৰা অহা আন এখন গাড়ীৰ সৈতে সংঘৰ্ষত লিপ্ত হৈ পথৰ কাষত থকা পুখুৰীত সোমাই পৰে।
দুৰ্ঘটনাটোত অটোখনত থকা আটাইকেইজন যাত্ৰী গুৰুতৰভাৱে আঙত হয়। ঘটনাৰ পিছতে আৰক্ষীয়ে সেই স্থানত উপস্থিত হৈ সকলোকে চিকিৎসালয়লৈ প্ৰেৰণ কৰে। কিন্তু হাস্পতালত পাঁচজনক মৃত ঘোষণা কৰা হয়।
মৃত লোকসকল একেটা পৰিয়ালৰে বুলি জানিব পৰা গৈছে।
