পঞ্চ ইন্দ্ৰিয়ৰ অন্যতম হৈছে ছাল। মানৱ শৰীৰৰ এক গুৰুত্বপূৰ্ণ অংশ। এই ছালৰ শুদ্ধ যতন লোৱাটো আমাৰ সকলোৰে বাবে প্ৰয়োজনীয়।শৰীৰৰ সকলো অংশ আৱৰি ৰখা এই ছালখনে অকল শীততাপ নিয়ন্ত্ৰণ কৰাই নহয়, আমাৰ সৌন্দৰ্যতো যথেষ্ট অৰিহণা যোগায়।
যেতিয়া সাজ-সজ্জাৰ কথা আহে, আটাইতকৈ বেছি মনোযোগ মুখখনলৈ যায়। উজ্জ্বল ছাল পাবলৈ মানুহে কি কি যে অনুসৰণ নকৰে। অৱশ্যে, উৎসৱৰ বতৰত ছালখন কেনেদৰে উজ্জ্বল কৰিব পাৰি, ছাল বিশেষজ্ঞৰ পৰা ইয়াৰ বিষয়ে জানিবলৈ চেষ্টা কৰোঁ আহক।
ছাল স্বাস্থ্যৱান আৰু উজ্জ্বল কৰি ৰাখিবলৈ নিয়মীয়া ছালৰ যত্নৰ ৰুটিন অনুসৰণ কৰাটো অতি গুৰুত্বপূৰ্ণ। ছাল উজ্জ্বল কৰিবলৈ স্বাস্থ্যকৰ অভ্যাস আৰু খাদ্য দুয়োটাই প্ৰভাৱ পেলায়। এনে বহুতো লোক আছে যিয়ে তেওঁলোকৰ শাৰীৰিক স্বাস্থ্যৰ যত্ন লওঁতে তেওঁলোকৰ ছালৰ যত্ন ল’বলৈ পাহৰি যায়।
পিলগ্ৰিমৰ সহ-প্ৰতিষ্ঠাপক গগনদীপ মক্কৰে কয় যে আমি ছালৰ সঠিকভাৱে যত্ন ল’লেহে ছালৰ সমস্যাসমূহ এৰাই চলিব পাৰিম। ছালৰ যত্নৰ ৰুটিনত, কেৱল সেই সামগ্ৰীয়েই ব্যৱহাৰ কৰিব যিবোৰে আপোনাৰ ছালৰ বাবে অতিকৈ ভাল। যিহেতু বৰ্তমান উৎসৱৰ বতৰ, সেয়েহে ছালৰ যত্ন লোৱাটো অতি গুৰুত্বপূৰ্ণ হৈ পৰিছে।
ক্লীনজিং
গগনদীপ মক্কৰে কৈছে যে, পৰিষ্কাৰ কৰাটো আপোনাৰ ছালৰ যত্নৰ লোৱাটো আটাইতকৈ গুৰুত্বপূৰ্ণ। ই গোটেই দিনটো ছালত জমা হোৱা লেতেৰা, অতিৰিক্ত তেল আৰু ধুলি আঁতৰ কৰাত সহায় কৰে। অৱশ্যে, আমি নিজৰ ছাল অনুসৰি ক্লিনজাৰ টো বাছনি কৰা। তৈলাক্ত ছালৰ বাবে জেল, শুকান ছালৰ বাবে ক্ৰীম আৰু সংবেদনশীল ছালৰ বাবে মৃদু ক্লিনজাৰ ব্যৱহাৰ কৰা উচিত।
টোনিং
টোনিংয়ে ছালৰ pH স্তৰৰ ভাৰসাম্য ৰাখে। ই আমাৰ ছালক ময়শ্চ’ৰাইজ কৰাত সহায় কৰে। টোনিংয়ে ছালখন সতেজ আৰু হাইড্ৰেটেত কৰি ৰাখে। উজ্জ্বল ছাল পাবলৈ, ছালৰ ভিতৰ আৰু বাহিৰখন হাইড্ৰেটেড কৰি ৰখাটো অতি গুৰুত্বপূৰ্ণ।
চিৰাম
আজিকালি, ছালৰ সমস্যা পৰিহাৰ কৰিবলৈ বহুতো চিৰাম আছে। মানুহে মূখৰ সূক্ষ্ম ৰেখা, ডাঠ দাগ আৰু ছালৰ পৰা প্ৰদাহ আঁতৰাবলৈ চিৰাম ব্যৱহাৰ কৰা হয়। আমি মনত ৰখা উচিত যে, আমি টোনিং কৰাৰ পিছতহে ফেচ চিৰাম ব্যৱহাৰ কৰা উচিত।
ময়শ্চ’ৰাইজিং
ময়শ্চ’ৰাইজিংয়ে আমাৰ ছালকন হাইড্ৰেট কৰি ৰখাত সহায় কৰে। কিছুমান লোকৰ ছাল অলপ তেলেতীয়া, সেয়েহে তেওঁলোকে ময়েশ্চাৰাইজাৰ ব্যৱহাৰ নকৰে। অৱশ্যে, বিশেষজ্ঞসকলে কয় যে, ই সদায়ে ছালক আৰ্দ্ৰ কৰি ৰখাত সহায় কৰে।
চানস্ক্ৰীণ
আমাৰ ছালক সূৰ্যৰ ইউভি ৰশ্মিৰ পৰা সুৰক্ষিত কৰি ৰাখিবলৈ, আমি চানস্ক্ৰীণ ব্যৱহাৰ কৰিব লাগে। ই ছালৰ কৰ্কট ৰোগৰ আশংকাও হ্ৰাস কৰে। দৈনিক কমেও 30 SPF যুক্ত চানস্ক্ৰীণ ব্যৱহাৰ কৰিব লাগে। ই সূৰ্যৰ দাগ আৰু মুখমণ্ডলৰ কোঁচ খোৱা ৰেখাৰ পৰা পৰিত্ৰাণ যোগায়।
