এইবাৰ মানকাচৰত আটক ৫ গৰাকী বাংলাদেশী নাগৰিক। নিশা মানকাচৰ আৰক্ষীৰ নাকা তালাচীৰ সময়ত অসম মেঘালয়ৰ সীমান্তৰ মানকাচৰৰ মিৰজুমলা পথত আটক কৰে বাংলাদেশী নাগৰিক কেইজনক।
ধৃত বাংলাদেশী নাগৰিক সকলৰ দুজন পুৰুষ আৰু তিনিগৰাকী মহিলা বুলি জানিব পৰা গৈছে। ধৃত বাংলাদেশী নাগৰিক কেইজনে মেঘালয়ৰ ডালু অঞ্চলৰ আন্তঃৰাষ্ট্ৰীয় সীমান্তৰে ভাৰতত প্ৰৱেশ কৰিছিল।
নিশা প্ৰায় ১০ বজাত আৰক্ষীৰ নাকা তালাচীৰ সময়ত ধৃত বাংলাদেশী কেইগৰাকী মেঘালয়ৰ পৰা এখন টেম্পোৰে মানকাচৰত অহাৰ সময়তে আৰক্ষীয়ে আটক কৰিবলৈ সক্ষম হয়।
আৰক্ষীয়ে আটক কৰা ধৃত বাংলাদেশী পাঁচ গৰাকী ক্ৰমে আকাশ হুছেইন, ছফিকুল মণ্ডল, ছাবিনা আফতান, ছানতা বেগম আৰু পিংকি আখতাৰা বুলি জানিব পৰা গৈছে।
বাংলাদেশী নাগৰিক কেইগৰাকীক মানকাচৰ অভিমুখে লৈ অহা টেম্পো চালকজনকো আটক কৰিছে। ধৃত টেম্পো চালকজন মানকাচৰ থানা এলেকাৰ পেছাৰকান্দি গাঁৱৰ আখিৰুল ইছলাম বুলি জানিব পৰা গৈছে।
AS 17 C3808 নম্বৰৰ টেম্পোৰে মেঘালয়ৰ পৰা মানকাচৰ অভিমূখে আহিছিল বাংলাদেশী পাঁচ গৰাকী।
সম্প্ৰতি, দক্ষিণ শালমাৰা মানকাচৰ জিলাৰ আৰক্ষী অধীক্ষক মানকাচৰ থানাত উপস্থিত হৈ ধৃত বাংলাদেশী কেইজনক সোধা-পোচা অব্যাহত ৰাখিছে বুলি জানিব পৰা গৈছে।
