ভাৰতীয় কিংবদন্তি মল্লযোদ্ধা বিনেশ ফ’গাটে কিছু সময়ৰ পৰা নিৰন্তৰ চৰ্চালৈ আহিছে। পেৰিছ অলিম্পিক ২০২৪ত, ফ’গাটে মাত্ৰ ১০০ গ্ৰাম ওজনৰ বাবে ৫০ কিলোগ্ৰাম শাখাত পদক অৰ্জন কৰিব নোৱাৰিলে। ইয়াৰ পিছত, তেওঁ নিজৰ অৱসৰ ঘোষণা কৰে।
তাৰ পিছতেই তেওঁ সতীৰ্থ মল্লযোদ্ধা বজৰং পুনিয়াৰ সৈতে কংগ্ৰেছ দলত যোগদান কৰে। বিনেশে এইবাৰ জুলানা সমষ্টিৰ পৰা আগন্তুক হাৰিয়ানা বিধানসভা নিৰ্বাচনত প্ৰতিদ্বন্দিতা কৰিছে। এই সময়তে, তেওঁৰ পক্ষে কিছু অসুবিধাও বৃদ্ধি পাইছে। ৰাষ্ট্ৰীয় ড’পিং প্ৰতিৰোধী সংস্থা (এনএডিএ)ৰ দ্বাৰা তেওঁক এক জাননী জাৰি কৰা হৈছে আৰু ১৪ দিনৰ ভিতৰত ইয়াৰ সঁহাৰি দিবলৈ কোৱা হৈছে।
ৰাষ্ট্ৰীয় এণ্টি-ড’পিং এজেন্সিয়ে (এনএডিএ)নিজৰ নিৰ্ধাৰিত স্থান প্ৰকাশ কৰাত ব্যৰ্থ হোৱাৰ বাবে মল্লযোদ্ধা বিনেশ ফ’গাটলৈ এক জাননী প্ৰেৰণ কৰে আৰু ১৪ দিনৰ ভিতৰত ইয়াৰ উত্তৰ বিচাৰে। যদি খেলুৱৈ এগৰাকীক ড’প পৰীক্ষাৰ বাবে নিৰ্ধাৰিত স্থান পোৱা নাযায়, তেনেহ’লে এনএডিএ-য়ে এই জাননী জাৰি কৰে। এনএডিএ-য়ে ইয়াক নিয়মৰ উলংঘন বুলি গণ্য কৰা হয়।
এনএডিএ ৰ পঞ্জীভুক্ত পৰীক্ষা পুল(আৰ.টি.পি.)ত পঞ্জীভুক্ত সকলো খেলুৱৈয়ে ড’প পৰীক্ষাৰ বাবে তেওঁলোকৰ উপলব্ধতা অৱগত কৰিব লাগে আৰু বিনেশ তেওঁলোকৰ মাজৰ এজন আছিল।
ড’পং পৰীক্ষা মানে হ’ল- নিচাযুক্ত দ্ৰব্যৰ প্ৰভাৱত থকাৰ স্থিতি, অৰ্থাৎ খেলুৱৈসকলৰ দ্বাৰা ঔষধ গ্ৰহণ কৰা, যিয়ে তেওঁলোকৰ শাৰীৰিক ক্ষমতা বৃদ্ধি কৰাত সহায় কৰে। এনে ঔষধ খেলুৱৈ এজনে সেৱন কৰিছে নে নাই জানিবলৈহে ড’পিং পৰীক্ষা কৰা হয়।
এনএডিএৰ দ্বাৰা জাৰী কৰা জাননীখনত, বিনেশক এই বিষয়ত চূড়ান্ত সিদ্ধান্ত লোৱাৰ পূৰ্বে স্পষ্টীকৰণ দিবলৈ কোৱা হৈছে। উল্লেখ্য যে, বিনেশক পৰীক্ষা কৰিবলৈ এজন ড’প নিয়ন্ত্ৰণ বিষয়া (ডিচিঅ’) নিৰ্ধাৰিত স্থানলৈ প্ৰেৰণ কৰা হৈছিল, কিন্তু সেই স্থানত তেওঁ উপস্থিত নথকাৰ বাবে বিষয়াগৰাকীয়ে তেনে কৰিবলৈ অক্ষম হৈছিল।
এইক্ষেত্ৰত বিনেশে নিয়ম উলংঘনৰ কথা হয় স্বীকাৰ কৰিব লাগিব অন্যথা প্ৰমাণ দিব লাগিব যে, নিৰ্ধাৰিতস্থলীত তেওঁ প্ৰায় ৬০ মিনিটৰ বাবে উপস্থিত আছিল। অৱশ্যে, ইয়াত উল্লেখ কৰিব পাৰি যে থকা স্থানৰ সংশ্লিষ্ট বিফলতা ড’পিং-বিৰোধী নিয়ম উলংঘনৰ সমান নহয়। যদি এজন খেলুৱৈয়ে ১২ মাহত তিনিবাৰ স্থানৰ তথ্য সম্পৰ্কীয় নিয়ম উলংঘা কৰে, তেনেহ’লে কেৱল এনএডিএয়ে এথলীটজনৰ ওপৰত যিকোনো পদক্ষেপ ল’ব পাৰে।
