দেশৰ বহুতো ৰাজ্যত ঘূৰ্ণীবতাহৰ প্ৰভাৱ দেখা গৈছে। বিশেষকৈ মুম্বাইৰ পৰিস্থিতি অতি বেয়া। বুধবাৰে মুম্বাইত ধাৰাসাৰ বৰষুণ হয়। যাৰ বাবে স্থানীয় ৰেল সমূহো ৰখাই দিয়া হয় আৰু কমেও ১৪ খন আহি থকা বিমানৰ উৰণ স্থগিত কৰা হয়।
ভাৰতীয় বতৰ বিজ্ঞান বিভাগে বৃহস্পতিবাৰে পুৱা ৮:৩০ বজালৈকে মুম্বাই আৰু ইয়াৰ কাষৰীয়া জিলা থানে, পালঘৰ আৰু ৰায়গড়ৰ বাবে ৰেড এলাৰ্ট জাৰি কৰিছে।
মুম্বাইত ধাৰাসাৰ বৰষুণৰ বাবে বৃহন্মুম্বাই পৌৰ নিগমে (বিএমচি) বৃহস্পতিবাৰে সকলো বিদ্যালয় আৰু মহাবিদ্যালয়ত বন্ধ ঘোষণা কৰিছে। মুম্বাই আৰক্ষীয়ে চহৰ আৰু ইয়াৰ চাৰিওফালৰ অঞ্চলৰ সকলোকে যিমান সম্ভৱ ঘৰৰ ভিতৰত থাকিবলৈ পৰামৰ্শ দিছে।
নেৰানেপেৰা বৰষুণৰ ফলত ২৫ ছেপ্টেম্বৰৰ নিশা ৯:৩০ বজাত থানেৰ মুমব্ৰা বাইপাছত ভূমিস্খলন হয়, যাৰ ফলত অঞ্চলটোত তিনি ঘণ্টাতকৈও অধিক সময় তীব্ৰ যান-জটৰ সৃষ্টি হয়।
সন্ধিয়া ৫ বজাৰ পৰা নিশা ১০ বজাৰ ভিতৰত, পোৱাইত ২৩৪ মিমি বৰষুণ হয়, আনহাতে মনখুৰ্ডত ২৭৬ মিমি বৰষুণ হয়। একে সময়তে, ঘাটকোপাৰত ২৫৯ মিমি বৰষুণ আৰু বিক্ৰোলীত ১৮৬ মিমি বৰষুণ নথিভুক্ত কৰা হৈছিল।
মুম্বাইত ২৭ তাৰিখলৈ লৈ সতৰ্কতা জাৰী-
মুম্বাই বিমান বন্দৰলৈ আহিব লগা প্ৰায় ১৪ খন বিমান বিভিন্ন ঠাইলৈ পৰিৱৰ্তন কৰা হৈছিল, সেয়েহে তীব্ৰ বতাহ আৰু ধাৰাসাৰ বৰষুণৰ বাবে তেওঁলোকক অৱতৰণ কৰিবলৈ অনুমতি দিয়া হোৱা নাছিল। বৰষুণৰ বাবে কেইবাখনো ৰেল ৰখাব লগা হৈছিল, যাৰ ফলত যোগাযোগৰ ক্ষেত্ৰত বৃহৎ ব্যাঘাত ঘটিছিল। আইএমডিৰ মতে, ২৭ ছেপ্টেম্বৰলৈকে অঞ্চলটোৰ বিভিন্ন স্থানত ধাৰাসাৰ বৰষুণ অব্যাহত থকাৰ সম্ভাৱনা আছে। শিক্ষাৰ্থীসকলৰ সুৰক্ষাৰ কথা মনত ৰাখি, মুম্বাইৰ সকলো বিদ্যালয়-মহাবিদ্যালয় বৃহস্পতিবাৰে, ২৬ ছেপ্টেম্বৰ ২০২৪ তাৰিখে বন্ধ ঘোষণা কৰিছে। বিএমচিয়ে জনসাধাৰণক প্ৰয়োজন হ’লেহে ঘৰৰ বাহিৰ ওলাবলৈ পৰামৰ্শ দিয়ে।
আইএমডিৰ মতে, অন্ধ্ৰ প্ৰদেশ আৰু দক্ষিণ উৰিষ্যা উপকূলৰ ওপৰত পশ্চিম মধ্য আৰু ইয়াৰ কাষৰীয়া উত্তৰ-পশ্চিম বংগোপসাগৰৰ ওপৰত নিম্ন চাপৰ এলেকা পশ্চিম-উত্তৰ-পশ্চিমদিশে গতি কৰিছে। কিন্তু সংশ্লিষ্ট ঘূৰ্ণীবতাহ দক্ষিণ ছত্তীশগড় আৰু ইয়াৰ চাৰিওফালৰ অঞ্চলত আছে।
