টেষ্ট ক্ৰিকেটত কামিন্দু মেণ্ডিছে আন এক ডাঙৰ কৃতিত্ব অৰ্জন কৰিছে। কামিন্দু মেণ্ডিছে টেষ্ট কেৰিয়াৰৰ পঞ্চম শতক অৰ্জন কৰাৰ লগতে টেষ্ট ক্ৰিকেটৰ ইতিহাসত আটাইতকৈ দ্ৰুততম ৫ টা শতক অৰ্জন কৰা এছিয়ান বেটছমেন হিচাপে পৰিগণিত হয়।
টেষ্ট ক্ৰিকেটত সৰ্বাধিক দ্ৰুততম ৫টা শতক অৰ্জন কৰা বিশ্বৰ তৃতীয়জন বেটছমেন হিচাপে পৰিগণিত হৈছে। টেষ্টত ইনিংছৰ ক্ষেত্ৰত সৰ্বাধিক দ্ৰুততম ৫টা শতক অৰ্জন কৰাৰ ক্ষেত্ৰত ডন ব্ৰেডমেনৰ অভিলেখ স্পৰ্শ কৰিবলৈ সফল হৈছে মেণ্ডিছে। মেণ্ডিছে নিজৰ ত্ৰয়োদশ টেষ্ট ইনিংছত পঞ্চমটো শতক সম্পূৰ্ণ কৰাৰ কৃতিত্ব অৰ্জন কৰিছে।
উল্লেখ্য যে, মহান ক্ৰিকেটাৰ ডন ব্ৰেডমেনেও ১৩টা ইনিংছ খেলি টেষ্ট কেৰিয়াৰৰ প্ৰথম পাঁচটা শতক সম্পূৰ্ণ কৰিছিল। টেষ্ট কেৰিয়াৰত জৰ্জ হেডলীয়েও ১৩টা ইনিংছত ৫টা শতক সম্পূৰ্ণ কৰিছিল।
অৱশ্যে ইনিংছৰ ক্ষেত্ৰত সৰ্বাধিক দ্ৰুতগতিত ৫টা শতক অৰ্জন কৰাৰ অভিলেখ আছে ৱেষ্ট ইণ্ডিজৰ এভাৰটন উইকছৰ নামত। তেওঁ টেষ্ট কেৰিয়াৰৰ প্ৰথম ১০টা ইনিংছতে পাঁচটা শতক অৰ্জন কৰিছিল। এই তালিকাৰ দ্বিতীয় স্থানত আছে হাৰ্বাৰ্ট ছাটক্লিফ। তেওঁ ১২টা ইনিংছতে কেৰিয়াৰৰ পঞ্চম শতক সম্পূৰ্ণ কৰিছিল। ১৯২৫ চনত হাৰ্বাৰ্ট ছাটক্লিফে এই কৃতিত্ব অৰ্জন কৰে।
ইনিংছ অনুসৰি দ্ৰুততম ৫টা শতক কৰা বেটাৰ
১০ ইনিংছ- এভাৰটন উইকছ (১৯৪৮)
১২ ইনিংছ- হাৰ্বাৰ্ট ছাটক্লিফ (১৯২৫)
১২ ইনিংছ- নীল হাৰ্ভি (১৯৫০)
১৩ ইনিংছ – ডন ব্ৰেডমেন (১৯৩০)
১৩ ইনিংছ – জৰ্জ হেডলী (১৯৩১)
১৩ ইনিংছ – কামিন্দু মেণ্ডিছ (২০২৪)
উল্লেখ্য যে, এতিয়ালৈকে টেষ্ট কেৰিয়াৰত কামিন্দু মেণ্ডিছে ৮খন টেষ্ট মেচত ৮০ৰো অধিক গড়ৰ সহায়ত ৫টা শতক আৰু ৪টা অৰ্ধশতক অৰ্জন কৰিছে। মেণ্ডিছৰ ফৰ্ম আৰু ধাৰাবাহিকতাই ক্ৰিকেট অনুৰাগীক আশ্বৰ্যকৰ কৰি তুলিছে।
ইয়াৰ উপৰি ২০০০ চনৰ পিছত টেষ্ট কেৰিয়াৰৰ প্ৰথম ৮খন টেষ্ট মেচত সৰ্বাধিক শতক অৰ্জন কৰা বেটছমেন হিচাপেও পৰিগণিত হৈছে মেণ্ডিছ।
