শেষ নিশ্বাস ত্যাগ কৰিলে টাটা উদ্যোগৰ ডাইৰেক্টৰ ৰতন টাটাই।
১৯৩৭চনৰ ২৮ ডিচেম্বৰত জন্মগ্ৰহণ কৰিছিল ব্যৱসায়ী ৰতন টাটাই৷ ভাৰত সৰ্বোচ্চ উদ্যোগপতি ৰতন টাটা মানবীয় গুণেৰে পৰিপূৰ্ণ৷ ৰতন টাটাৰ বিয়োগত দেশজুৰি পৰিছে শোকৰ ছাঁ৷
অসমৰ সৰ্বোচ্চ সন্মান অসম বৈভৱৰে সন্মানিত টাটাই ৮৬ বছৰ বয়সত মুম্বাইৰ ব্ৰীজকেণ্ডি হস্পিতালত আজি শেষ নিশ্বাস ত্যাগ কৰে৷
দেশৰ বিভিন্ন স্থানৰ লগতে অসমতো বহুকেইখন কেঞ্চাৰ হাস্পতাল স্থাপন কৰি মানৱতাৰ মহান নিদৰ্শন দাঙি ধৰিছিল উদ্যোগপতিজনে৷
২০০০ চনত ভাৰত চৰকাৰে তেওঁক তৃতীয় অসামৰিক সন্মান পদ্মভূষণ প্ৰদান কৰা হৈছিল। ২০০৬ চনত টাটাই লাভ কৰিছিল মহাৰাষ্ট্ৰ ভূষণ সন্মান।
২০০৮ চনৰ ২৬ জানুৱাৰীত তেওঁক ভাৰতৰ দ্বিতীয় সৰ্বোচ্চ অসামৰিক সন্মান পদ্মবিভূষণেৰে বিভূষিত কৰা হৈছিল। তেওঁ নাছকম গ্ল’বেল লিডাৰশ্বিপ বঁটা-২০০৮ৰ প্ৰাপকসকলৰ ভিতৰত অন্যতম এজন আছিল।
২০০৮ চনৰ ১৪ ফেব্ৰুৱাৰীত মুম্বাইত এক অনুষ্ঠানত তেওঁক এই বঁটা প্ৰদান কৰা হৈছিল। ৰতন টাটাই ২০০৭ চনত টাটা পৰিয়ালৰ পৰা পৰোপকাৰৰ বাবে কাৰ্নেগী বঁটা লাভ কৰিছিল। ২০২১ চনত অসম চৰকাৰৰ ফালৰ পৰা ৰতন টাটালৈ আগবঢ়োৱা হৈছিল অসম বৈভৱ পুৰস্কাৰ।
