এক ভয়ংকৰ পথ দূৰ্ঘটনাই জোকাৰি যাই ধুবুৰীবাসীক। আগমনী সোনাখুলি দ্বিতীয় খণ্ডৰ ১৭ নং ৰাষ্ট্ৰীয় ঘাইপথত সংঘটিত হয় এই ভয়ংকৰ পথ দূৰ্ঘটনা।
এখন তীব্ৰ বেগী বাহনে মহতিয়াই একেটা পৰিয়ালৰে ৪টাকৈ শিশুক। পথ দুৰ্ঘটনাত নিহত হয় ৪ টাকৈ কণমানি শিশু। ইয়াৰে মাজত এটি দেৱশিশুও আছিল।
তীব্ৰবেগত অহা কিয়া ছোনেট বাহন এখনে নিয়ন্ত্ৰণ হেৰুৱাই মহতিয়াই নিয়ে শিশুকেইটিক। নিহত শিশু ৪টা হৈছে- সোনাখুলী দ্বিতীয় খণ্ড গাঁৱৰ মৰিয়ম খাতুন (১০) জুবায়েৰ হুছেইন (৭), মেহেদী হাছান (৫)আৰু ৪০ দিনীয়া দেৱশিশু আবু ৰিহান (৪০ দিন)।
ৰাতিপুৱাই দেৱ শিশু টোক কোলাত লৈ তিনিওটা শিশু ৰাষ্ট্ৰীয় ঘাইপথৰ কাষত থিয় হৈ আছিল।তীব্ৰ বেগত অহা কিয়া ছোনেট বাহনখন নিয়ন্ত্ৰণ হেৰুৱাই সংঘটিত কৰে পথ দুৰ্ঘটনা।
ঘটনাস্থলীত আগমনি আৰক্ষী আহি বাহনখন লৈ যায় আৰু নিহত শিশুকেইটাক আগমনী চিকিৎসালয়লৈ লৈ যোৱা হয়।
