ইংলেণ্ডৰ তাৰকা টেষ্ট বেটছমেন জ’ ৰুটে সুন্দৰ ফৰ্ম অব্যাহত ৰাখি এটাৰ পিছত এটা দৰ্শণীয় শতকীয় ইনিংছেৰে মন জিনিছে ক্ৰিকেট অনুৰাগীৰ। শেহতীয়াকৈ মুলতানত পাকিস্তানৰ বিৰুদ্ধে খেলা টেষ্ট মেচত ৰুটে খেলা ২৬২ ৰানৰ ইনিংছটোৱে চাঞ্চল্যৰ সৃষ্টি কৰিছে। এইটোৱেই আছিল ৰুটৰ টেষ্ট কেৰিয়াৰৰ সৰ্বোত্তম স্ক’ৰ।
ৰুটে এইপৰ্যন্ত ১৪৭খন টেষ্ট মেচৰ ২৬৮ ইনিংছত ৫১.৪৭ গড়ে ১২,৬৬৪ ৰান সংগ্ৰহ কৰিছে। টেষ্ট ক্ৰিকেটত এই পৰ্যন্ত ৩৫টা শতক আৰু ৬৪টা অৰ্ধশতক অৰ্জন কৰিছে ৰুটে।
২০২০ চনৰ পৰা জ’ ৰুটে মুঠ ৫৮খন টেষ্ট মেচ খেলিছে, য’ত তেওঁ ৫৬.৪৩ৰ আকৰ্ষণীয় গড়ৰ সহায়ত ৫৩০৫ ৰান সংগ্ৰহ কৰিছে। ২০২০ চনৰ পৰা ৰুটে ১৮টা শতক আৰু ১৯টা অৰ্ধশতক অৰ্জন কৰিছে।
টেষ্ট ক্ৰিকেটত ৰুটে যি গতিবেগেৰে বিধ্বংসী ৰূপ ধাৰণ কৰিছে, সেয়া লক্ষ্য কৰিলে অহা ৩ বছৰত তেওঁ ভাৰতৰ মহান বেটছমেন শচীন তেণ্ডুলকাৰৰ নামত থকা ১৫,৯২১ টেষ্ট ৰানৰ বিশ্ব অভিলেখ ভংগ কৰাৰ সম্ভাৱনা প্ৰকট হৈ উঠিছে। ৰুটৰ বয়স এতিয়া ৩৩ বছৰ। সেই দিশৰ পৰা চাব গ’লে তেওঁ আৰু অনায়াসে তিনিবছৰ খেলিব পাৰিব আৰু যদিহে তেওঁৰ এই ফৰ্ম অব্যাহত থাকে তেন্তে শচীনৰ নামত থকা অভিলেখ ভংগ হ’ব।
২০২০ চনৰ পৰা ৰুটৰ যাত্ৰা
২০২০ বৰ্ষ – ৪৬৪ টেষ্ট ৰান, ০ শতক
২০২১ বৰ্ষ – ১৭০৮ টেষ্ট ৰান, ৬ শতক
২০২২ বৰ্ষ – ১০৯৮ টেষ্ট ৰান, ৫ শতক
২০২৩ বৰ্ষ – ৭৮৭ টেষ্ট ৰান, ২ শতক
২০২৪ বৰ্ষ – ১২৪৮ টেষ্ট ৰান, ৫ শতক
সংকটত ক্ৰিকেটৰ ভগৱানৰ মহাঅভিলেখ
ৰুটে এতিয়ালৈকে ১৪৭খন টেষ্ট মেচৰ ২৬৮ ইনিংছত ১২,৬৬৪ ৰান সংগ্ৰহ কৰিছে। শচীন তেণ্ডুলকাৰৰ ১৫,৯২১ টেষ্ট ৰানৰ বিশ্ব অভিলেখ ভংগ কৰিবলৈ ৰুটক প্ৰয়োজন মাত্ৰ ৩,২৫৭ ৰান। অহা ৩ বছৰত ৰুটে এই কৃতিত্ব সহজে অৰ্জন কৰিব বুলি অনুমান কৰা হৈছে।
টেষ্ট ক্ৰিকেটত সৰ্বাধিক ৰান
১) শচীন তেণ্ডুলকাৰ (ভাৰত) – ১৫,৯২১ ৰান
২) ৰিকি পণ্টিং (অষ্ট্ৰেলিয়া) – ১৩,৩৭৮ ৰান
৩) জেক কালিছ (দক্ষিণ আফ্ৰিকা) – ১৩,২৮৯ ৰান
৪) ৰাহুল দ্ৰাবিড় (ভাৰত) – ১৩,২৮৮ ৰান
৫) জো ৰুট (ইংলেণ্ড) – ১২,৬৬৪ ৰান
ভাৰতৰ মহান বেটছমেন শচীন তেণ্ডুলকাৰক ক্ৰিকেটৰ ভগৱান বুলি কোৱা হয়। শচীন তেণ্ডুলকাৰে নিজৰ কেৰিয়াৰত এদিনীয়াত ১৮,৪২৬ ৰান আৰু টেষ্টত ১৫,৯২১ ৰান সংগ্ৰহ কৰিছে। এদিনীয়াত ৪৯টা শতক আৰু টেষ্টত ৫১টা শতক অৰ্জন কৰিছে শচীন তেণ্ডুলকাৰৰ। শচীন তেণ্ডুলকাৰৰ নামত ক্ৰিকেটৰ সকলো ফৰ্মেটকে ধৰি ১০০টা আন্তঃৰাষ্ট্ৰীয় শতক আছে।
টেষ্ট ক্ৰিকেটত সৰ্বাধিক শতক
১) শচীন তেণ্ডুলকাৰ (ভাৰত) – ৫১ টা শতক
২) জেক কালিছ (দক্ষিণ আফ্ৰিকা) – ৪৫ টা শতক
৩) ৰিকি পণ্টিং (অষ্ট্ৰেলিয়া) – ৪১ টা শতক
৪) কুমাৰ সাংগাকাৰা (শ্ৰীলংকা) – ৩৮ টা শতক
৫) ৰাহুল দ্ৰাবিড় (ভাৰত) – ৩৬ টা শতক
৬) জ’ ৰুট (ইংলেণ্ড) – ৩৫ টা শতক
