জম্মু-কাশ্মীৰৰ কুলগাম জিলাত সেনাবাহিনীৰ এখন বাহন দুৰ্ঘটনাগ্ৰস্ত হোৱাত এজন জোৱানৰ মৃত্যু হোৱাৰ বিপৰীতে আন ৯ জন জোৱানসহ ১৩ জন লোক আহত হয়।
এই ঘটনা সংঘটিত হোৱাৰ পিছত প্ৰশাসনে জনোৱা মতে, আহতসকলক চিকিৎসালয়ত ভৰ্তি কৰা হৈছে, য’ত তেওঁলোকৰ অৱস্থা সুস্থিৰ বুলি কোৱা হৈছে।
শুকুৰবাৰে নিশা কুলগামৰ ডি এইচ পোৰা অঞ্চলত জোৱানসকল অভিযানৰ বাবে ওলাই যোৱাৰ সময়তে এই ঘটনা সংঘটিত হয় বুলি জানিব পৰা গৈছে।
এগৰাকী শীৰ্ষ বিষয়াই কয়, ‘দুখৰ বিষয় যে এজন জোৱানে প্ৰাণ হেৰুৱালে আনহাতে আহত হোৱা আন কেইবাজনো জোৱানক চিকিৎসাৰ বাবে চিকিৎসালয়লৈ লৈ যোৱা হয়। সকলো সৈনিকৰ অৱস্থা সুস্থিৰ’।
