ভগৱান শ্ৰীৰামচন্দ্ৰৰ জন্মস্থান অযোধ্যাত ৫৭ দিনৰ বাবে ২ নৱেম্বৰৰ পৰা ২৮ ডিচেম্বৰলৈ শ্ৰী মহা নাৰায়ণ দিব্য ৰুদ্ৰ সাহিত্য সত সহস্ৰা বিশ্ব শান্তি চণ্ডী যজ্ঞৰ আয়োজন কৰা হৈছে। শ্ৰীৰামচন্দ্ৰৰ জন্মভূমি তীৰ্থ ক্ষেত্ৰ ট্ৰাষ্ট, শ্ৰী কাঞ্চি কামাকোটি পীঠম আৰু চিন্ময়ী সেৱা ট্ৰাষ্টৰ উদ্যোগত বিশ্ব শান্তি আৰু মংগল কামনাৰে আয়োজন কৰা হৈছে মহান দিৱ্য ৰুদ্ৰ সাহিত্য সহস্ৰা চণ্ডী মহাযজ্ঞ।
এই যজ্ঞৰ জৰিয়তে সমগ্ৰ বিশ্বৰ শান্তি, সুখ, সমৃদ্ধি আৰু কল্যাণৰ বাবে ভগৱান ৰুদ্ৰ আৰু দেৱী চণ্ডীৰ আশীৰ্বাদ কামনা কৰা হৈছে। ভাৰতৰ ৮৫০ ৰো অধিক বৈদিক ঋষি-মুনিয়ে প্ৰাচীন ৰীতি-নীতিৰে পৰিৱেশ বিশুদ্ধ কৰাৰ কাম কৰিব। এই মহাযজ্ঞই ঐতিহাসিক সংস্কৃতিক অযোধ্যা আৰু কাশীৰ সম্পৰ্কৰ কথা সোঁৱৰাই দিব। কথা অনুসৰি ৰজা দশৰাথে পুত্ৰ কামেষ্ঠীৰ বাবে এই যজ্ঞ কৰিছিল, যাৰ ফলস্বৰূপে ভগৱান ৰামচন্দ্ৰৰ জন্ম হৈছিল।
মহাযজ্ঞৰ উপকাৰিতা
অযোধ্যাৰ মহাযজ্ঞই গ্ৰহ সম্পৰ্কীয় বিপদসমূহো দূৰ কৰে আৰু ভক্তসকলক দীৰ্ঘায়ুৰ আশীৰ্বাদ দিয়ে। ৰাম জন্মভূমিত আয়োজন কৰা মহাযজ্ঞৰ উপকাৰিতা অধিক। এই যজ্ঞই স্বাস্থ্য সংকট, আৰ্থিক অস্থিৰতা আৰু সংঘাতৰ দৰে প্ৰত্যাহ্বানৰ সমাধান আগবঢ়ায়। শান্তি, সমৃদ্ধি আৰু মংগলৰ প্ৰসাৰ ঘটায়।
এই যজ্ঞই জীৱনত বাধা আৰু নেতিবাচকতা দূৰ কৰে, নৱগ্ৰহৰ নেতিবাচক প্ৰভাৱ, শত্ৰু আৰু দুখ-কষ্টৰ পৰা সুৰক্ষা প্ৰদান কৰে, স্বাস্থ্যৰ নিৰাময়, সজীৱতা আৰু দীৰ্ঘায়ুৰ প্ৰসাৰ ঘটায়, আৰ্থিক সফলতা, ধন আৰু স্থিৰতা প্ৰদান কৰে আৰু বুদ্ধি, বৌদ্ধিক শক্তি আৰু আধ্যাত্মিক জ্ঞান বৃদ্ধি কৰে।
মহাযজ্ঞৰ দৈনিক সূচী
দৈনিক পুৱা ৮ বজাৰ পৰা আৰম্ভ হোৱা এই কাৰ্যসূচী পুৱা ১১ বজালৈকে চলিব। প্ৰথমে লক্ষ্মী গণেশৰ মন্ত্ৰ জপ কৰা হৈছে, য’ত ২৮ লাখ লোকে অংশগ্ৰহণ কৰিব।
ইয়াৰ পিছত সন্ধিয়া ৫:০০ বজাৰ পৰা সন্ধিয়া ৭:০০ বজালৈ চলিব কাৰ্যসূচী। লক্ষ্মী গনপতি, সুব্ৰহ্মণ্য, আদিত্য, সুদৰ্শন, নৱগ্ৰহ, অঞ্জনেয়, মহালক্ষ্মী, ধন্বন্তৰী, মৃত্যুঞ্জয়, সৰস্বতীৰ বাবে যজ্ঞ পৰিবেশন কৰা হ’ব।
