২০২১ চনৰ পেৰিছ অলিম্পিকত স্বৰ্ণ পদক লাভ কৰিবলৈ সক্ষম হৈছিল নীৰজ চোপ্ৰাই। নীৰজ চোপ্ৰাৰ সফলতাত প্ৰশিক্ষক ক্লাউছ বাৰ্টনিটজৰ ডাঙৰ অৱদান আছে বুলি বিবেচিত হৈছে, যদিও এতিয়া এথলেটিকছৰ পৰা বিদায় লৈছে প্ৰশিক্ষক ক্লাউছ বাৰ্টনিটজে।
ক্লাউছ বাৰ্টনিটজৰ অৱসৰৰ বিষয়ে নিজেই পোষ্ট কৰিছিল নীৰজ চোপ্ৰাই। লগতে নীৰজ চোপ্ৰাই ছ’চিয়েল মিডিয়া পোষ্টত ক্লাউছ বাৰ্টনিটজৰ বাবে আৱেগিক বাৰ্তাও লিখিছে।
নীৰজ চোপ্ৰাই লিখিছে যে, বাৰ্টনিটজে তেওঁৰ বাবে কেৱল গুৰুতকৈও অধিক। তেওঁ শিকোৱা সকলোবোৰে শিক্ষাই নীৰজক এগৰাকী সুদক্ষ খেলুৱৈ আৰু ব্যক্তি হিচাপে গঢ়ি তোলাত সহায় কৰিছে।
লগতে নীৰজ চোপ্ৰাই লিখিছে যে, প্ৰতিখন প্ৰতিযোগিতাৰ বাবে নীৰজে যাতে মানসিক আৰু শাৰীৰিকভাৱে সাজু হৈ থাকে, তাৰ বাবে প্ৰশিক্ষকগৰাকীয়ে যৎপৰোনাস্তি চেষ্টা কৰিছে। আনকি নীৰজে শৰীৰত পোৱা আঘাতৰ সময়তো তেওঁ নীৰজৰ কাষত থিয় দিছিল। উত্থান-পতনৰ সময়তো তেওঁ নীৰজৰ লগত আছিল।তেওঁৰ এই যাত্ৰাত লগ দিয়াৰ বাবে ধন্যবাদ জনায় লগতে তেওঁক ৰিটায়াৰমেণ্টৰ শুভেচ্ছা দিয়ে।
উল্লেখ্য যে, ২০১৯ চনত কঁকালৰ অস্ত্ৰোপচাৰৰ পিছত বাৰ্টনিটজে দেশবাসী তথা প্ৰাক্তন বিশ্ব অভিলেখধাৰী জেভেলিন থ্ৰ’ৱাৰ উৱে হ’নৰ পৰা নীৰজৰ প্ৰশিক্ষকৰ দায়িত্ব গ্ৰহণ কৰিছিল। বাৰ্টনিটজৰ সৈতে নীৰজে কেইবাটাও পদক লাভ কৰে, ইয়াৰ ভিতৰত আছে -দুটা অলিম্পিক পদক (সোণ আৰু ৰূপ), দুটা বিশ্ব চেম্পিয়নশ্বিপ পদক (সোণ আৰু ৰূপ), এছিয়ান গেমছৰ এটা সোণ আৰু এটা ডাইমণ্ড লীগ খিতাপ।
