ভাৰত-নেপাল সীমান্তত সংঘটিত হৈছে এক ভয়ংকৰ পথ দুৰ্ঘটনা। এই দুৰ্ঘটনাত দুজন ভাৰতীয়কে ধৰি ৮ জন লোকৰ মৃত্যু হৈছে। এই দুৰ্ঘটনাত ৫জন যাত্ৰী আহত হোৱা বুলি জানিব পৰা গৈছে। তথ্য অনুসৰি চালকজনৰ অৱস্থা সংকটজনক।
তথ্য লাভ কৰি আৰক্ষীয়ে ঘটনাস্থলীত উপস্থিত হৈ আটাইকেইজন আহতক চিকিৎসাৰ বাবে চিকিৎসালয়ত ভৰ্তি কৰে। মৃতদেহকেইটা চিনাক্ত কৰাৰ পাছত মৰণোত্তৰ পৰীক্ষাৰ বাবে প্ৰেৰণ কৰা হৈছে।
বৰ্তমান সময়ত দুৰ্ঘটনাত মৃত্যু হোৱা আৰু আহতসকলৰ পৰিয়াললৈ এই তথ্য প্ৰেৰণ কৰা হৈছে। যাত্ৰীৰে ভৰা জীপখন মল্লিকাৰ্জুন মন্দিৰ দৰ্শন কৰি গোকলেশ্বৰলৈ উভতি আহিছিল। শৈল্যশিখৰ পৌৰসভাৰ বাজনি নামৰ স্থানত জীপখন দ’ খাৱৈত বাগৰি পৰে। জীপখন নিয়ন্ত্ৰণৰ বাহিৰলৈ যোৱাৰ বাবেই এই দুৰ্ঘটনা সংঘটিত হোৱাৰ সন্দেহ প্ৰকাশ কৰিছে।
দাৰ্চুলা জিলা চেণ্টিনেল অফিচৰ মুখপাত্ৰ পৰিদৰ্শক ছাত্ৰ ৰাৱাটে জনোৱা মতে, নাকাটাৰ নিবাসী ৪৫ বছৰীয়া দিলীপ বিষ্ট, ৪০ বছৰীয়া মীনা, লেক গাঁৱৰ ৩২ বছৰীয়া বীৰেন্দ্ৰ ৰাৱাল, ২৫ বছৰীয়া শান্তি ৰাৱাল , বাইটাদী জিলাৰ নাগাৰাউন নিবাসী ১৬ বছৰীয়া সুজীৱ বহৰা, ৫০ বছৰীয়া দিলাশানি, ৪৫ বছৰীয়া মহম্মদ ছাকিৰ, উত্তৰ প্ৰদেশৰ বিজনোৰ নিবাসী ১৮ বছৰীয়া মহম্মদ ঔছিলৰ থিতাতে মৃত্যু হয়।
আনহাতে, সুনীল যোশী, উত্তম ৰাউকায়া, সন্দীপ ৰাৱাল, প্ৰকাশ ৰাৱাল আৰু উত্তৰ প্ৰদেশৰ পিলিভিতৰ বাসিন্দা ছোহিল খান আহত হয়। চালকজনৰ অৱস্থা সংকটজনক হোৱাৰ বাবে তেওঁক আই চি ইউত ৰখা হৈছে।
বৰ্তমান আৰক্ষীয়ে ঘটনাস্থলীৰ তদন্ত অব্যাহত ৰাখিছে। দুৰ্ঘটনাৰ সঠিক কাৰণ এতিয়াও জানিব পৰা হোৱা নাই।
