জিলা আদালতৰ নিৰ্দেশৰ পিছতেই সোমবাৰে আৰক্ষীয়ে নাবালিকা কিশোৰীৰ ভয়ানক কাণ্ডৰ গোচৰত বিধায়কৰ পলাতক পত্নী সীমা বেগমৰ সম্পত্তি সংলগ্ন কৰিছে। সীমাৰ সন্ধান চলি থকাৰ সময়তে বিধায়ক জাহিগ বেগক প্ৰয়াগৰাজৰ নাইনী কাৰাগাৰত আৰু পুত্ৰক বাৰাণসী কাৰাগাৰত ৰখা হৈছে।
উত্তৰ প্ৰদেশৰ ভাদোহীৰ বিধায়ক জাহিদ বেগৰ ঘৰত নাবালিকা কিশোৰীৰ সংঘটিত কৰা ভয়ানক কাণ্ডৰ গোচৰত বিধায়ক পত্নী সীমা বেগমে কৰা আবেদনৰ ওপৰত এলাহাবাদ উচ্চ ন্যায়ালয়ত শুনানি অনুষ্ঠিত হয়। আচলতে কাৰাগাৰত থকা বিধায়ক জাহিদ বেগৰ পলাতক পত্নী সীমা বেগমে এলাহাবাদ উচ্চ ন্যায়ালয়ত অগ্ৰিম জামিনৰ বাবে আবেদন দাখিল কৰিছিল।
আবেদনকাৰী সীমা বেগমৰ অধিবক্তাই এই পৰিপূৰক শপতনামা দাখিল কৰিবলৈ উচ্চ ন্যায়ালয়ৰ পৰা দুদিনৰ সময় বিচাৰিছে। এতিয়া এই গোচৰৰ পৰৱৰ্তী শুনানি হ’ব ২১ নৱেম্বৰত।
দৰাচলতে ২০২৪ চনৰ ১৪ ছেপ্টেম্বৰত ভাদোহী জিলাৰ ভদোহী থানাত এছ আই হৰদত পাণ্ডেৰ এজাহাৰৰ ভিত্তিত বিধায়ক জাহিদ বেগ আৰু তেওঁৰ পত্নী আৰু পুত্ৰৰ বিৰুদ্ধে নাবালিকা কিশোৰীক শ্ৰমিক হিচাপে ৰাখি তথা ভয়ংকৰ কাণ্ড সংঘটিত কৰাত উচটনি দিয়াৰ বাবে গোচৰ ৰুজু হৈছিল।
২০২৪ চনৰ ৯ ছেপ্টেম্বৰত বিধায়কগৰাকীৰ ঘৰত অৱস্থাত উদ্ধাৰ হয় নাবালক কিশোৰীগৰাকীৰ নিথঁৰ দেহ। এই গোচৰত বিধায়ক জাহিদ বেগ আৰু তেওঁৰ পুত্ৰক আৰক্ষীয়ে গ্ৰেপ্তাৰ কৰি দুয়োজনেই কাৰাগাৰত আছে। ইয়াৰ পূৰ্বে ভাদোহী আৰক্ষীয়ে বিধায়কগৰাকীৰ পুত্ৰ জঈমক গ্ৰেপ্তাৰ কৰা হৈছিল। ইয়াৰ পিছতে আদালতত আত্মসমৰ্পণ কৰে বিধায়ক জাহিদ বেগে।
পিছে বৰ্তমানেও পলাতক অৱস্থাত আছে বিধায়কগৰাকীৰ পত্নী সীমা বেগম। আদালতৰ নিৰ্দেশ অমান্য কৰাৰ বাবে সীমা বেগমৰ বিৰুদ্ধে ২০৯ ধাৰাত গোচৰ ৰুজু কৰিছে আৰক্ষীয়ে। লগতে বিধায়কগৰাকীৰ পত্নী সীমা বেগমৰ সম্পত্তিও বাজেয়াপ্ত কৰাৰ নিৰ্দেশ দিছে আদালতে। জিলা আদালতৰ এই নিৰ্দেশৰ পিছতেই সোমবাৰে আৰক্ষীয়ে নাবালিকা কিশোৰীৰ ভয়ানক কাণ্ডৰ গোচৰত পলাতক সীমা বেগমৰ সম্পত্তি বাজেয়াপ্ত কৰিছে।
সীমা বেগমৰ সন্ধান চলি থকাৰ সময়তে বিধায়ক জাহিদ বেগক প্ৰয়াগৰাজৰ নাইনী কাৰাগাৰত আৰু পুত্ৰক বাৰাণসী কাৰাগাৰত ৰখা হৈছে। আৰক্ষী আৰু শ্ৰম বিভাগৰ দলে বিধায়কগৰাকীৰ ঘৰৰ পৰা আন এগৰাকী নাবালিকা কিশোৰীকো মুকলি কৰি দিয়ে। এই গোচৰৰ শুনানি গ্ৰহণ কৰিছে ন্যায়াধীশ সমিত গোপালৰ একক বিচাৰপীঠে।
