আই পি এল ২০২৫ৰ মেগা নিলামৰ প্ৰথম ঘণ্টাটো যথেষ্ট ৰোমাঞ্চকৰ আছিল। প্ৰথম অৱস্থাত কলকাতা নাইট ৰাইডাৰ্ছৰ প্ৰাক্তন অধিনায়ক শ্ৰেয়াছ আয়াৰ আটাইতকৈ দামী খেলুৱৈ হিচাপে পৰিগণিত হয়। ২৬.৭৫ কোটি টকাত পঞ্জাব কিংছে তেওঁক ক্ৰয় কৰিছিল, যদিও কিছু সময়ৰ ভিতৰতে এই অভিলেখ ভংগ হয়।
আই পি এলৰ মেগা নিলামত আটাইতকৈ ব্যয়বহুল খেলুৱৈ হিচাপে পৰিগণিত হৈছে উইকেটকীপাৰ বেটছমেন ঋষভ পন্ত।
লক্ষ্ণৌ ছুপাৰ জায়েণ্টছে ২৭ কোটি টকাৰ বিপুল পৰিমাণত ক্ৰয় কৰে ঋষভ পণ্টক। দিল্লী কেপিটেলে আৰ টি এমৰ চেষ্টা চলাই, যদিও লক্ষ্ণৌৱে পাছত ২৭ কোটি টকাৰ বিনিময়ত ঋষভ পন্তক ক্ৰয় কৰে।
ইফালে শ্ৰেয়াছ আয়েৰে লাভ কৰে ২৬.৭৫ কোটি টকা।বিগত বৰ্ষত কলকাতাক চেম্পিয়ন কৰা শ্ৰেয়াছ আয়াৰেও আই পি এল ২০২৫ৰ নিলামত বিপুল পৰিমাণৰ ধন লাভ কৰে। ২৬.৭৫ কোটি টকাৰ বিপুল পৰিমাণত পঞ্জাব কিংছে আয়াৰক ক্ৰয় কৰে।
পিছে বৰ্তমান ঋষভ পন্ত আই পি এলৰ ইতিহাসৰ আটাইতকৈ দামী খেলুৱৈ হিচাপে পৰিগণিত হয়। শ্ৰেয়াছ আয়াৰ হয় দ্বিতীয় সৰ্বাধিক ব্যয়বহুল খেলুৱৈ। এই দুয়োগৰাকী খেলুৱৈকে তেওঁলোকৰ দলে মুকলি কৰি দিছিল। শ্ৰেয়াছ আয়াৰক কেকেআৰে মুক্তি দিয়াৰ বিপৰীতে ঋষভ পন্তক মুক্তি দিছিল দিল্লী কেপিটেলছে। এতিয়া আয়ৰক ২৬.৭৫ কোটি টকাত পঞ্জাৱ কিংছে ক্ৰয় কৰে আৰু ঋষভ পন্তক লক্ষ্ণৌৱে ২৭ কোটিত ক্ৰয় কৰে। এই দুয়োগৰাকী খেলুৱৈয়ে দলৰ অধিনায়কত্ব লাভ কৰিব পাৰিব বুলি বিশ্বাস কৰা হয়।
ইংলেণ্ডৰ বিস্ফোৰক উইকেটকীপাৰ বেটছমেন জোছ বাটলাৰক ক্ৰয়ৰ বাবে বহু দলৰ মাজত প্ৰতিযোগিতা চলে। অৱশ্যে শেষত গুজৰাট টাইটানছে ১৫.৭৫ কোটি টকাত এই ষ্টাৰ অ’পেনাৰজনক ক্ৰয় কৰে।
যোৱা ছিজনলৈকে বাটলাৰ ৰাজস্থান ৰয়েলছৰ অংশ আছিল। লক্ষ্ণৌ ছুপাৰ জায়েণ্টছেও জোছ বাটলাৰক ক্ৰয়ৰ বাবে ডাঙৰ বিড কৰিছিল।
লক্ষ্ণৌ আৰু গুজৰাটৰ মাজত তীব্ৰ যুদ্ধ হৈছিল। কিন্তু শেষত গুজৰাটে বাটলাৰক ক্ৰয় কৰাত সফল হয়। এইগৰাকী খেলুৱৈৰ বাবে লক্ষ্ণৌৱে ১৫.২৫ কোটি টকা পৰ্যন্তলৈ দিবলৈ সাজু হৈছিল।
