ৰিলায়েঞ্চ ট্ৰেণ্ডচৰ উদ্য্যোগত অনুস্হিত হোৱা ট্ৰেণ্ডচ টেলেণ্ট হাণ্ট প্ৰতিযোগিতাত শীৰ্ষস্থান দখল কৰি ৰাজ্যখনলৈ সুনাম কঢ়িয়াই আনিলে নলবাৰীৰ প্ৰিয়াঞ্চী বৰ্মনে। বৰ্তমান প্ৰিয়াঞ্চী বৰ্মনক লৈ নলবাৰী জিলাৰ সকলো ৰাইজ গৌৰৱান্বিত।
নলবাৰী জিলাৰ বিষ্টুপুৰ গাঁওৰ অনিৰাম বৰ্মনৰ নাতি তথা হৰিচন্দ্ৰ বৰ্মন আৰু গীতালী বৰ্মনৰ কন্যা প্ৰিয়াঞ্চী বৰ্মনে ৰিলায়েঞ্চ ট্ৰেণ্ডচ কোম্পানীৰ উদ্যোগত অনুষ্ঠিত হোৱা চিজন ৩ প্ৰতিযোগিতাত TOP 10ৰ ভিতৰত শীৰ্ষ স্হান দখল কৰি ৰাজ্যখনৰ লগতে গৌৰৱান্বিত কৰিলে সমগ্ৰ নলবাৰীবাসীক।
উল্লেখ্য যে, প্ৰিয়াঞ্চী বৰ্মনৰ পিতৃয়ে গুৱাহাটীৰ বৰাগাঁৱৰ এটি ব্যক্তিগত কোম্পানীৰ কৰ্মচাৰী হোৱা হেতুকে প্ৰিয়াঞ্চীয়ে গুৱাহাটীৰত থাকিয়েই কেইবাগৰাকী সংগীতৰ শিক্ষাগুৰুৰ ওচৰত সংগীতৰ সাধনা কৰি আছে। সৰুৰে পৰা সংগীতৰ প্ৰতি ধাউতি থকা প্ৰিয়াঞ্চী বৰ্মনৰ সপোন পুৰাবলৈ মধ্যবিত্ত পৰিয়ালটোৱে ইতিমধ্যে চেষ্টা অব্যাহত ৰাখিছে।
অলপতে ৰাজ্যত অনুষ্ঠিত এক ট্ৰেণ্ডচ টেলেণ্ট হাণ্টৰ চুড়ান্ত প্ৰতিযোগিতাত শীৰ্ষৰ দহৰ ভিতৰত প্ৰথম স্হান দখল কৰিবলৈ সক্ষম হয় প্ৰিয়াঞ্চী বৰ্মনে। এই প্ৰতিযোগীতাত শীৰ্ষস্থান দখল কৰাত সমগ্ৰ গাওঁবাসীৰ লগতে গৌৰৱাম্বিত তেওঁৰ পিতৃ-মাতৃ।
নৱমশ্ৰেণীত অধ্যয়নৰত ১৪বছৰীয়া কণ্ঠশিল্পী গৰাকীৰ যাদুকৰি কণ্ঠই মুগ্ধ কৰিছে সকলোকে। বৰগীত, আধুনিক গী,ত ৰাভা-জ্যোতি সংগীত, ভূপেন্দ্ৰ সংগীত আনকি হিন্দী গীততো আছে তেওঁৰ দখল।
ভৱিষ্যতেও এগৰাকী সফল কণ্ঠশিল্পী হোৱাৰ মন তেওঁৰ। নৱমশ্ৰেণীৰ এই ছাত্ৰীগৰাকীৰ ভৱিষ্যতে আই এ এচ বিষয়া হোৱাৰ মন।
