আমাৰ প্ৰত্যেকৰে চোতালত এডালকৈ অপৰাজিতাৰ গছ আছেই। অপৰাজিতা ফুলে কেৱল ফুলনিৰ সৌন্দৰ্য্যই নহয়, মানুহৰ দৈহিক মানসিক সৌন্দৰ্যও বৃদ্ধি কৰে। সনাতন ধৰ্মত অপৰাজিতাক এক দেৱীৰ সৈতে তুলনা কৰা হয়। দুৰ্গা পূজাৰ নৱমীৰ দিনা অপৰাজিতাৰ নামত এক বিশেষ পূজাও অনুষ্ঠিত হয়। আমি সততে তিনি ধৰণৰ অপৰাজিতাৰ ফুল দেখো। বগা, গাঢ় নীলা আৰু বেঙুনীয়া ৰঙৰ অপৰাজিতা ফুলে আমাক সদায় মন্ত্ৰমুগ্ধ কৰে। আমাৰ চিনাকি অপৰাজিতাৰ আছে বহু ঔষধীয় গুণ। সেইবাবেই হয়তো অপৰাজিতাক মহৌষধি বুলি কোৱা হয়। অপৰাজিতা ফুলৰ ৰস পাণ কৰি আপুনি আপোনাৰ সৌন্দৰ্য আৰু অধিক মসৃণ কৰি তুলিব পাৰে। বৰ্তমান সময়ত বহুলভাৱে চাহিদা বৃদ্ধি পাইছে ব্লু টি বা অপৰাজিতাৰ ৰসৰ। অপৰাজিতা ফুলত আছে অত্যধিক পৰিমাণে পটেছিয়াম যি পটেছিয়ামে হৃদৰোগ দূৰ কৰে। অত্যধিক পৰিমাণে তেল আৰু মচলা খোৱাৰ বাবে বৃদ্ধি পাইছে আমাৰ কলেষ্ট্ৰ’লৰ সমস্যা আৰু কলেষ্ট্ৰ’লৰ সমস্যা দূৰ কৰিবৰ বাবে আপুনি গ্ৰহণ কৰক অপৰাজিতা ফুলৰ ৰস। প্ৰায়সংখ্যক লোকেই ফ্ৰাছষ্ট্ৰেশ্যন,ডিপ্ৰেশ্যন আৰু এঞ্জাইটিৰ দ্বাৰা আক্ৰান্ত। ৰাতিপুৱাৰ ভাগত নিতৌ অপৰাজিতা ফুলৰ ৰস সেৱন কৰিলে বহু পৰিমাণে এনে মানসিক চাপ সমূহৰ পৰা নিজকে মুক্ত কৰি ৰাখিব পাৰি। স্মৃতি শক্তিৰ বিকাশ আৰু মনযোগক সুস্থিৰ কৰি ৰাখিবৰ বাবে অপৰাজিতা ফুল এক মহৌষধি। বয়সৰ লগে লগে মুখত পৰা ৰেখা, বিভিন্ন চৰ্মৰোগ আৰু অকালত চুলি পকা ৰোধ কৰিবৰ বাবে সেৱন কৰিব পাৰে অপৰাজিতা ফুলৰ ৰস। অত্যধিক পৰিমানে নিচাজাতীয় দ্ৰব্য গ্ৰহণৰ ফলত লিভাৰ অসুস্থ হোৱাৰ খবৰ আমি নিতৌ লাভ কৰোঁ । ফেটি লিভাৰ, জণ্ডিচ আদি ৰোগৰ পৰা নিজকে মুক্ত ৰাখিবৰ বাবে আপুনি গ্ৰহণ কৰিব পাৰে অপৰাজিতা ফুলৰ ৰস ।
অপৰাজিতা ফুলৰ ৰস আপুনি কেনেদৰে সেৱন কৰিব:
সতেজ ফুলপাহ চিঙি আনি আপুনি ৰ’দত শুকুৱাই বহুদিনৰ বাৱে ইয়াক সংৰক্ষণ কৰিব পাৰে। গৰম পানীত তিনিপাহ অপৰাজিতা ফুল পেলাই দি ভালদৰে উতলাওক। পানীখিনিৰ ৰং যেতিয়া নীলা হ’ব তেতিয়া চেকনিৰে চেকি ৰসখিনি পাণ কৰক।
বি:দ্ৰ :- এই লেখনি যুগুত কৰাৰ বাবে বিভিন্নজন বিশেষজ্ঞৰ লেখনিৰ সহায় লোৱা হৈছে।
