গুগল মেপক বিশ্বাস কৰি যাত্ৰা কৰা তিনিজন লোকৰ সৈতে ঘটিল এটা ভয়ংকৰ ঘটনা। উত্তৰ প্ৰদেশৰ ইজ্জত নগৰ থানাৰ অন্তৰ্গত পিলিভীত পথত এখন টাটা টিয়াগো বাহনে গুগল মেপে দেখুওৱা পথৰ বাবে এটা খালত সোমাই যায়।
দুৰ্ঘটনা সংঘটিত হোৱাৰ সময়ত গাড়ীখনত আছিল ৩ জন যুৱক। ইফালে ঘটনা সন্দৰ্ভত তথ্য লাভ কৰাৰ লগে লগে আৰক্ষী প্ৰশাসনৰ দল ঘটনাস্থলত উপস্থিত হয়। আৰক্ষীৰ লগতে স্থানীয় লোকৰ সহায়ত জেচিবিৰে উদ্ধাৰ কৰে গাড়ীখন।
হৰিয়ানাৰ বাসিন্দা দিব্যাংশুৱে হাৰিয়ানা পঞ্জীয়নভুক্ত গাড়ীৰে পিলিভীতলৈ গৈ আছিল। তেওঁ কয় যে তেওঁ গুগল মেপৰ সহায়ত এই পথটোৰে যাত্ৰা কৰিছিল। কিন্তু গুগল মেপে দেখুওৱা ভুল মেপৰ বাবে খালটোত বাগৰি পৰে বাহনখন। গাড়ীখনত তিনিজন মানুহ আছিল। সৌভাগ্যৰ কথা যে এই ঘটনাত কোনো লোক হতাহত হোৱা নাই।
মহানগৰ আৰক্ষী থানা মানুষ পাৰিকে জনোৱা মতে, মঙলবাৰে পুৱা কানপুৰৰ পৰা তিনিজন লোক গুগল মেপৰ সহায়ত পিলিভীতলৈ গৈ আছিল। তাৰ গুগল মেপে দেখুওৱা ভুল পথৰ বাবে তেওঁলোকৰ গাড়ীখন এটা খালত বাগৰি পৰে। অৱশ্যে তিনিওজন লোক সুৰক্ষিত।
উল্লেখ্য যে, ইয়াৰ ১০ দিন পূৰ্বেও সংঘটিত হৈছিল অনুৰূপ ঘটনা। ২৪ নৱেম্বৰত গুগল মেপে ভুল পথ দেখুওৱাৰ বাবে বেৰেলীত এখন গাড়ী দলঙৰ পৰা পৰি গৈছিল। এই দুৰ্ঘটনাত তিনিজন যুৱকৰ মৃত্যু হৈছিল।
গাড়ীত থকা যুৱকজনে গুগল মেপৰ সহায়ত আগবাঢ়ি গ’ল আৰু দলং শেষ হোৱাৰ লগে লগে তেওঁৰ গাড়ীখন ২০ ফুট বাগৰি পৰিল। এই ঘটনাত পোহৰলৈ আহিছে পি ডব্লিউ ডিৰ স্থূল গাফিলতি।
