ভাৰতীয় গ্ৰেণ্ডমাষ্টাৰ ডি গুকেশে বৃহস্পতিবাৰে বিশ্ব দবা চেম্পিয়নশ্বিপৰ চতুৰ্দশ আৰু অন্তিম ৰাউণ্ডত চীনৰ ডিং লিৰেনক পৰাস্ত কৰি খিতাপ দখল কৰে। লিৰেনক পৰাস্ত কৰি তেওঁ বিশ্বৰ আটাইতকৈ কম বয়সীয়া দবা চেম্পিয়ন হিচাপে পৰিগণিত হয়।
মাত্ৰ ১৮ বছৰ বয়সতে তেওঁ এই খিতাপ দখল কৰি ইতিহাস ৰচিবলৈ সক্ষম হৈছে। খেলখন ৬.৫ পইণ্টেৰে আৰম্ভ হৈছিল। এই মেচখন ড্ৰ’ৰ দিশে আগবাঢ়িছিল যদিও লিৰেনৰ এটা ভুলৰ বাবেই গুকেশে শেষ হাঁহি মাৰিবলৈ সক্ষম হয়।
এই জয়ৰ লগে লগে গুকেশৰ পইণ্ট ৭.৫ হয় আৰু ৭.৫-৬-৫ৰ ব্যৱধানত জয়লাভ কৰি বিশ্ব খিতাপ দখল কৰে। উল্লখ্য যে, ১২ বছৰৰ পাছত এই খিতাপ দখল কৰিবলৈ সক্ষম হৈছে কোনো এজন ভাৰতীয়।
উল্লেখ্য যে, বিশ্বনাথন আনন্দৰ পিছত দ্বিতীয়জন ভাৰতীয় ৰূপে ডবাৰ নতুন বিশ্ব চেম্পিয়ন হয় গুকেশ ডাম্মাৰাজু। চীনৰ প্ৰতিদ্বন্দ্বিক পৰাস্ত কৰি দবাৰ সৰ্বকনিষ্ঠ বিশ্ব চেম্পিয়নত পৰিণত হয় গুকেশ।
আনহাতে চলিত বছৰতে ডি গুকেশে দবা অলিম্পিয়াডত স্বৰ্ণ জয় কৰিছিল। এটা বছৰতে দুটাকৈ বৃহৎ সাফল্য অৰ্জন কৰা ডি গুকেশক লৈ এতিয়া উৎফুল্লিত সমগ্ৰ দেশৰ ক্ৰীড়ানুৰাগী।
