শ্ৰীলংকাৰ নতুন ৰাষ্ট্ৰপতি অনুৰা কুমাৰ দিসানায়াকে দেওবাৰে ভাৰত ভ্ৰমণলৈ আহিব। শুকুৰবাৰে বৈদেশিক পৰিক্ৰমা মন্ত্ৰালয়ে প্ৰকাশ কৰে যে, শ্ৰীলংকাৰ ৰাষ্ট্ৰপতি দিছানায়াকে ৩ দিনীয়া ভ্ৰমণসূচীৰে ১৫ ডিচেম্বৰত ভাৰত ভ্ৰমণ কৰিব।
এই ভ্ৰমণৰ সময়ত তেওঁ ৰাষ্ট্ৰপতি দ্ৰৌপদী মুৰ্মু আৰু প্ৰধানমন্ত্ৰী নৰেন্দ্ৰ মোদীক সাক্ষাৎ কৰিব।
আজি বৈদেশিক পৰিক্ৰমা মন্ত্ৰালয়ৰ মুখপাত্ৰ ৰণধীৰ জয়ছৱালে সংবাদ মাধ্যমৰ সন্মুখত ভাষণ প্ৰদান কৰি কয় যে, শ্ৰীলংকাত সদ্য সমাপ্ত ৰাষ্ট্ৰপতি আৰু সংসদীয় নিৰ্বাচনৰ পিছত ৰাষ্ট্ৰপতি দিসানায়াকেৰ এইয়া প্ৰথমটো ভাৰত ভ্ৰমণ। তেওঁ কয় যে, ৰাষ্ট্ৰপতি দিছনায়কে দিল্লীত এক ব্যৱসায়িক অনুষ্ঠানতোত অংশগ্ৰহণ কৰিব।
ৰাষ্ট্ৰপতি হোৱাৰ পিছত এয়া তেওঁৰ প্ৰথম বিদেশ ভ্ৰমণ।
উল্লেখ্য যে, ভ্ৰমণৰ সময়ত তেওঁ নতুন দিল্লীত উপস্থিত হৈ ৰাষ্ট্ৰপতি ৰাষ্ট্ৰপতি দ্ৰৌপদী মুৰ্মুক সাক্ষাৎ কৰিব। তদুপৰি তেওঁ প্ৰধানমন্ত্ৰী মোদীৰ সৈতে পাৰস্পৰিক স্বাৰ্থৰ দ্বিপাক্ষিক, আঞ্চলিক আৰু আন্তঃৰাষ্ট্ৰীয় বিষয়সমূহৰ ওপৰত আলোচনা কৰিব।
ভাৰত ভ্ৰমণৰ সময়ত তেওঁ বৌদ্ধ-গয়াও ভ্ৰমণ কৰিব। ৰাষ্ট্ৰপতি দিসানায়াকৰ ভাৰত ভ্ৰমণে দুয়োখন দেশৰ বহুমাত্ৰিক আৰু পাৰস্পৰিকভাৱে লাভজনক সহযোগিতাক আৰু অধিক শক্তিশালী কৰিব বুলি বিশ্বাস কৰা হৈছে।
ইয়াৰ পূৰ্বে অক্টোবৰৰ আৰম্ভণিতে বৈদেশিক পৰিক্ৰমা মন্ত্ৰী এছ জয়শংকৰে কলম্বো ভ্ৰমণৰ সময়ত ৰাষ্ট্ৰপতি দিসানায়াকক সাক্ষাৎ কৰিছিল। ভাৰত আৰু শ্ৰীলংকাৰ জনসাধাৰণৰ স্বাৰ্থত সহযোগিতা গভীৰ আৰু দ্বিপাক্ষিক সম্পৰ্ক সুদৃঢ় কৰাৰ উপায় সন্দৰ্ভত দুয়োগৰাকী নেতাই দীৰ্ঘদিনীয়া আলোচনাত মিলিত হয়।
এই বৈঠকৰ সময়ত বৈদেশিক মন্ত্ৰী জয়শংকৰে ৰাষ্ট্ৰপতি দিসানায়াকলৈ প্ৰধানমন্ত্ৰী মোদী আৰু ৰাষ্ট্ৰপতি দ্ৰৌপদী মুৰ্মুৱে প্ৰেৰণ কৰা উষ্ম শুভেচ্ছা জ্ঞাপন কৰিছিল। ছেপ্টেম্বৰ মাহত অনুষ্ঠিত হোৱা নিৰ্বাচনত তেওঁ ৰাষ্ট্ৰপতি নিৰ্বাচিত হৈছিল।
