শীঘ্ৰে ছবিগৃহত মুক্তি পাব বৰুণ ধাৱন আৰু কীৰ্থি সুৰেশৰ ছবি ‘বেবী জন’। এই ছবিখন মুক্তিৰ পূৰ্বে বৰুণ ধৱন, কীৰ্থি সুৰেশ, বামিকা গাব্বি আৰু ছবিখনৰ সমগ্ৰ দলটোৱে মধ্যপ্ৰদেশৰ উজ্জয়িনত অৱস্থিত মহাকাল ভ্ৰমণ কৰে।
এই সময়ছোৱাত ‘বেবী জন’ৰ তাৰকাসকলে সমগ্ৰ দলৰ সৈতে ভষ্ম আৰতিত অংশগ্ৰহণ কৰে, ইয়াৰ ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে।
বৰুণ ধাৱন-কীৰ্থি সুৰেশৰ এটা ভিডিঅ’ ওলাইছে, য’ত অভিনেতাগৰাকী আৰু ছবিৰ দলটোৱে পৰিচালক আটলীৰ সৈতে দলটোৱে মহাকালৰ ভষ্ম আৰতিতো অংশগ্ৰহণ কৰে। ছবিখনৰ সফলতাৰ বাবে দলটোৱে মহাকালত উপস্থিত হৈ ভক্তিত নিমগ্ন হৈ থকা দেখা যায়।
বৰুণ ধাৱনে বাবা মহাকালৰ দৰবাৰত ভক্তসকলক দেখাৰ লগে লগে তেওঁ আচৰিত হৈ পৰিল। সমগ্ৰ বিশ্বৰ শিৱ ভক্তৰ আকৰ্ষণৰ কেন্দ্ৰবিন্দু ভষ্ম আৰতিতো বৰুণ ধাৱনে অংশগ্ৰহণ কৰে। ইয়াৰ পিছত তেওঁ সংবাদ মাধ্যমৰ সৈতেও কথা পাতে। আলোচনাৰ সময়ত চলচ্চিত্ৰ অভিনেতা বৰুণ ধাৱনে কয় যে, মহাকালেশ্বৰ মন্দিৰত অনুষ্ঠিত হোৱা ভষ্ম আৰতিক শব্দৰে বৰ্ণনা কৰিব নোৱাৰি। ভষ্ম আৰতিৰ সময়ত মন্দিৰত যিদৰে ভক্তিৰ পৰিৱেশ সৃষ্টি হয় সেয়া চাবলগীয়া।
উল্লেখ্য যে, বৰুণ ধাৱনৰ লগতে অভিনেত্ৰী কীৰ্থি সুৰেশ, বামিকা গাব্বি, জেকী শ্ৰফ আৰু ৰাজপাল যাদৱে ‘বেবী জন’ত গুৰুত্বপূৰ্ণ চৰিত্ৰত অভিনয় কৰিছে। এই ছবিখন প্ৰযোজনা কৰিছে মুৰাদ খেটানি, প্ৰিয়া আটলী আৰু জ্যোতি দেশপাণ্ডে। কালিজৰ দ্বাৰা পৰিচালিত এই ছবিখনে ২০২৪ চনৰ ২৫ ডিচেম্বৰত ছবিগৃহত মুক্তি পাব।
